logo

එල්. එම්. ඩී. ධර්මසේන මහතා

අතිරේක ලේකම්, පාසල් කටයුතු

එල්. එම්. ඩී. ධර්මසේන මහතා ශ්‍රී ලංකා අධ්‍යාපන පරිපාලන සේවයේ නිලධාරියෙකු වේ. ඔහු නියෝජ්‍ය විදුහල්පතිවරයෙකු, සහකාර අධ්‍යාපන අධ්‍යක්ෂවරකෙකු (ප්‍රතිපත්ති හා සැලසුම්), නියෝජ්‍ය විභාග කොමසාරිස්වරයෙකු, විදුහල්පතිවරයෙකු, අධ්‍යාපන අධ්‍යක්ෂවරයෙකු, ළමා කොමසාරිස්වරයෙකු වශයෙන් 1988 සිට සේවය කර ඇති අතර වර්තමානයේදී අධ්‍යාපන අමාත්‍යංශයේ අතිරේක ලේකම් (පාසල් කටයුතු) වශයෙන් සේවය කරයි.

කළමනාකරණය හා පරිපාලනය සම්බන්ධ වසර 32කට වඩා අත්දැකීම් ඔහු සතුවන අතර හංවැල්ල රණසිංහ මාධ්‍ය මහා විද්‍යාලය,  පාදුක්ක සිරි පියරත්න විද්‍යාලය, අධ්‍යාපන අමාත්‍යංශය, විභාග දෙපාර්තමේන්තුව, ආනන්ද විද්‍යාලය, මරදාන විද්‍යාලය ආදීයෙහි විවිධ තනතුරු දරමින් සේවය කර ඇත.

ධර්මසේන මහතා ශ්‍රී ජයවර්ධනපුර විශ්ව විද්‍යාලයේ විද්‍යාවේදි (ජීව විද්‍යා) උපාධිධරයෙක්වන අතර ශ්‍රී ලංකා විවෘත විශ්ව විද්‍යාලයෙන් පශ්චාත් උපාධි අධ්‍යාපන ඩිප්ලෝමාවක් ද, කොළඹ විශ්ව විද්‍යාලයෙන් අධ්‍යාපනයපති උපාධියක් ද  ලබා ගෙන තිබේ. එමෙන්ම, ඔහු ශ්‍රී ජයවර්ධනපුර විශ්ව විද්‍යාලයෙන් අධ්‍යාපන කළමනාකරණය පිළිබඳ පශ්චාත් උපාධි  ඩිප්ලෝමාවක් හා කැනඩාවේ ටොරොන්ටෝහි පිහිටි බ්‍රෝක් විශ්ව විද්‍යාලයෙන් අධ්‍යාපනපති උපාධියක් ලබා තිබේ.

TOP