அதிக வெப்பமான வானிலை மேலும் அதிகரிக்கலாம் என்பதால் இன்று, நாளை மற்றும் நாளை மறுதினம் ஆகிய நாட்களில் அதிக வெப்பநிலை நிலவும் வேளைகளில் பாடசாலை மாணவர்களை திறந்தவெளியில் வைத்திருப்பதை தவிர்க்கவும்.

– கல்வி அமைச்சின் அறிவுறுத்தல்கள்

இந்நாட்களில் சுற்றுச்சூழலில் நிலவுகின்ற அதிக வெப்பநிலை மேலும் அதிகரிக்க கூடும் என கிடைக்கப்பெற்றுள்ள தகவலின்படி, இன்று, நாளை மற்றும் நாளை மறுதினம் (பெப்ரவரி 28, 29 மற்றும் மார்ச் 01) நாட்டிலுள்ள எந்தவொரு பாடசாலையிலும் மாணவர்களை வெளிப்புற விளையாட்டுப் பயிற்சி நடவடிக்கைகள், விளையாட்டு விழாக்ககள் அல்லது வேறு  வெளிவாரிச்  செயற்பாடுகளில் ஈடுபடவைப்பதனைத் தவிர்க்குமாறு அனைத்துப் பாடசாலைகளுக்கும் கல்வி அமைச்சு அறிவுறுத்தியுள்ளது.

இது தொடர்பில் அனைத்து பாடசாலைகளின் அதிபர்களுக்கும் அறிவிக்கும் வகையில் அதற்குரியதான அறிவுறுத்தல்கள் ஏற்கனவே மாகாண மற்றும் வலயக் கல்வி அதிகாரிகளுக்கு அனுப்பி வைக்கப்பட்டுள்ளதுடன், சுகாதார அமைச்சு கல்வி அமைச்சுடன் இணைந்து பாடசாலைகளுக்கு வெளியிட்டுள்ள அறிவுறுத்தல் தொடர்களின்படி எதிர்காலத்தில் செயற்படுமாறு மேலும் தெரிவிக்கப்பட்டுள்ளது.