- 2020.09.04 දින පළ කරන ලද රජයේ ගැසට් නිවේදනය ප්‍රකාරව, 2020 වර්ෂය සඳහා ජාතික අධ්‍යාපන විද්‍යාපීඨවලට 2020.09.25 දින හෝ ඊට පෙර මාර්ගගත ක්‍රමවේදය (Online System) ඔස්සේ ඉල්ලුම් කරන ලද අයදුම්කරුවන්ට සංශෝධන සිදු කිරීම සඳහා පමණක් 2020.09.26 දින සිට 2020.09.30 දින දක්වා දින 05ක කාලයක් ලබා දෙනු ලැබේ.
- ඒ අනුව අදාළ අයදුම්කරුවන්ට මේ වන විට පද්ධතියට ඇතුළත් කළ අ.පො.ස.(උ.පෙළ) විභාග අංකය සංශෝධනය කිරීම හැර අනෙකුත් වැරදි / ප්‍රමාද දෝෂ නිවැරදි කිරීම / සංශෝධනය කිරීම සිදු කළ හැක.
- තම දත්ත නිවැරදි කළ යුතු / සංශෝධනය කළයුතු අයදුම්කරුවන්ට පෙර අවස්ථාවේ ඇතුළත් කළ තමන්ගේ අ.පො.ස. (උ.පෙළ) විභාග අංකය ඇතුළත් කරමින් තම දත්ත වෙත පිවිසිය හැක.
- මෙය තම වැරදි / ප්‍රමාද දෝෂ සංශෝධනය කිරීමේ අවශ්‍යතාව සහිත අයදුම්කරුවන් සඳහා ලබා දෙන අවස්ථාවක් පමණක් වේ. එබැවින්, එවැනි අවශ්‍යතාවක් නොමැතිව තම දත්තවල සිදු කරනු ලබන වෙනස්කම් පිළිබඳ අධ්‍යාපන අමාත්‍යාංශය කිසිඳු වගකීමක් දරනු නොලැබේ.
- ඉහත කාලසීමාව තුළ කිසිඳු නව අයදුම් කිරීමක් සඳහා අවස්ථාව ලබා දෙනු නොලැබේ.
