கௌரவ தினேஷ் குணவர்தன அவர்கள் 2021 ஆகஸ்ட் மாதம் 19 ஆம் திகதி கல்வி அமைச்சராக கடமைகளை பொறுப்பேற்றார். அனுபவங்கள் நிறைந்த, மூத்த அரசியல்வாதியுமான கௌரவ தினேஷ் குணவர்தன அவர்கள் 1968 ஆம் ஆண்டில் இளம் தலைவராகவும், பின்னர் 1973 இல் மகாஜன எக்சத் பெரமுன கட்சியின் தலைவராகவும் தமது அரசியல் பயணத்தை ஆரம்பித்த. அன்று தொடக்கம் சகல மட்டங்களிலும் அரசியல் மற்றும் ஆட்சி அதிகாரங்களில் தன்னை ஈடுபடுத்திக் கொண்டவராவார்.
கௌரவ தினேஷ் குணவர்தன அவர்கள் 1983 ஆம் ஆண்டில் முதற் தடவையாக பாராளுமன்றத்திற்கு தெரிவு செய்யப்பட்டதுடன் 1989 ஆம் ஆண்டில் எதிர்க்கட்சி பாராளுமன்ற உறுப்பினராக தமது நடவடிக்கைகளை மேற்கொண்டார். இதுவரையில் பல்வேறு அமைச்சுக்களில் பதவிகளை வகித்துள்ள அவர், இதற்கு முன்னர் போக்குவரத்து அமைச்சராக (2000), போக்குவரத்து மற்றும் சுற்றாடல் அமைச்சராக (2001), நகர அபிவிருத்தி அமைச்சராக (2004 – 2010), உயர் கல்வி பிரதி அமைச்சராக (ஜனாதிபதியின் கீழ் பிரதிநிதியாக 2004 – 2007), புனிதப் பிரதேச அபிவிருத்தி அமைச்சராக (2007 – 2010), நீர் வழங்கல் மற்றும் வடிகாலமைப்பு அமைச்சராக (2010 – 2015), பெருநகர மற்றும் மேல்மாகாண அபிவிருத்தி அமைச்சராக (2018), தொழில், திறன்கள் அபிவிருத்தி மற்றும் தொழில் உறவுகள் அமைச்சராக (2019 – 2020) மற்றும் வெளிநாட்டலுவல்கள் அமைச்சராக (2019 – 2021) பதவிகளை வகித்துள்ளார்.
கௌரவ தினேஷ் குணவர்தன அவர்கள் அரசாங்கக் கட்சி முதற் கோலாசானாக (2008 – 2015), ஒன்றிணைந்த எதிர்க்கட்சித் தலைவராக (2015 – 2018) செயற்பட்டதோடு 2019 நவம்பர் முதல் சபை முதல்வராகவும் செயற்பட்டு வருகின்றார்.
கௌரவ தினேஷ் குணவர்தன அவர்கள் 1949 மார்ச் மாதம் 02 ஆம் திகதி இலங்கையில் பிறந்தார். அவருடைய தந்தை மறைந்த கௌரவ பிலிப் குணவர்தன அவர்கள் இலங்கையின் தேசிய விரராக கருதப்படுகின்ற அதேவேளை, அவர் தொழிற்சங்கத் தலைவராக, பாராளுமன்ற உறுப்பினராக, அமைச்சராக, அரசியல் கட்சி ஸ்தாபகராக மற்றும் நூலாசிரியராக பணிகளை ஆற்றியுள்ளார். கௌரவ தினேஷ் குணவர்தன அவர்களின் தாயார் மறைந்த குசுமா குணவர்தன அம்மையாரும் இலங்கையில் மூத்த பாராளுமன்ற உறுப்பினராவார்.
இவர் கொழும்பு ரோயல் கல்லூரியின் பழைய மாணவர் என்பதுடன் நைரோட் (Nyenrode) வணிக பல்கலைக்கழகம் (நெதர்லாந்து வணிகக் கல்லூரி) மற்றும் ஒரிகான் பல்கலைக்கழகத்தில் முறையே வணிக நிர்வாகம் மற்றும் முகாமைத்துவம் தொடர்பான பட்டப்படிப்பையும் வணிக நிர்வாகம் மற்றும் சர்வதேச போக்குவரத்து தொடர்பான பட்டத்தையும் பெற்றுள்ளார்.
கலாநிதி திருமதி எம்.எம். வேஹெல்ல அவர்கள் இலங்கை கல்வி நிர்வாக சேவை உத்தியோகராவார் அவர் பிரதி அதிபராக, உதவி கல்விப் பணிப்பாளராக, தேசிய கல்வி ஆணைக்குழுவின் செயலாளராக மற்றும் கல்விப் பணிப்பாளராக 1988 ஆம் ஆண்டு முதல் சேவையாற்றியிருப்பதுடன், சமகாலத்தில் கல்வி அமைச்சின் மேலதிக செயலாளராக (திட்டமிடல் மற்றும் செயலாற்றுகை மீளாய்வு) பணிபுரிகிறார்
முகாமைத்துவம் மற்றும் நிர்வாகம் தொடர்பாக 32 வருடத்திற்கும் மேலான அனுபவத்தைக் கொண்ட அவர் மேல் மற்றும் சப்ரகமுவ மாகாண கல்வித் திணைக்களம், அரச பாடசாலைகள் மற்றும் கல்வி அமைச்சு போன்ற நிறுவனங்களில் பல்வேறு பதவிகளை ஏற்று பணி புரிந்துள்ளார்
கலாநிதி எம்.எம். வேஹெல்ல அவர்கள் ஸ்ரீ ஜயவர்தனபுர பல்கலைக்கழகத்தில் விஞ்ஞானமானி பட்டதாரி என்பதுடன் ஐக்கிய இராச்சியத்தின் லண்டண் பல்கலைக்கத்தில் கல்வி மற்றும் சர்வதேச அபிவிருத்தி தொடர்பான பட்டப்பின் பட்டமும்இ கொழும்பு பல்கலைக்கழகத்தில் கல்வி தொடர்பான தத்துவமானி பட்டம் மற்றும் ஐக்கிய இராச்சியத்தின்; சசெக்ஸ் பல்கலைக்கழகத்தின் கல்வி தொடர்பான கலாநிதி பட்டமும் பெற்றவர் ஆவார்
எச். யூ பிரேமதிலக்க அவர்கள் இலங்கை கல்வி நிர்வாக சேவையின் உத்தியோகத்தர் என்பதுடன் பிரதி அதிபராகவும் அதிபராகவும் 1988 ஆம் ஆண்டு முதல் கடமையாற்றியதுடன், சமகாலத்தில் கல்வி அமைச்சில் மேலதிக செயலாளராகவும் (கல்வி பண்புத்தர அபிவிருத்தி) பணிபுரிகிறார்
முகாமைத்துவம் மற்றும் நிர்வாகம் தொடர்பில் 32 வருடத்திற்கும் மேலான அனுபவத்தைக்கொண்ட அவர் மாத்தளை விஜய கல்லூரி, வலல மெனிக்ஹின்ன ஏ ரத்நாயக்க கல்லூரி கொழும்கு நாலந்தா கல்லூரி மற்றும் கல்வி அமைச்சில் பல்வேறு துறைகளில் கடமையாற்றியூள்ளார்
எச். யூ பிரேமதிலக்க அவர்கள் பேராதனை பல்கலைக்கழகத்தில் கலைமானி பட்டதாரி என்பதுடன், அந்த பல்கலைக்கழகத்தின் பட்டப்பின் பட்ட கல்வி டிப்ளோமாவும், தேசிய கல்வி நிறுவனத்தின் கல்வி முகாமைத்துவம் தொடர்பான பட்டப்பின் பட்ட கல்வி டிப்ளோமாவும் உடையவர் ஆவார்
ஜயவர்தனபுர பல்கலைக்கழகத்தில் முகாமைத்துவம் தொடர்பான பட்டப்பின் பட்ட நிறுவனத்தின் அரச நிர்வாகம் தொடர்பான பட்டப்பின் பட்டமும்,க(e-Government),பேராதனை பல்கலைக்கழக்த்தின் கணக்கியல் மற்றும் நிதி தொடர்பான பட்டப்பின் பட்ட டிப்ளோமாவும், கணக்கியல் தொடர்பான உயர் தேசிய டிப்ளோமாவும், தனிநபர் நிதி முகாமைத்துவ டிப்ளோமாவும், தகவல் தொழில்நுட்ப டிப்ளோமாவும், (e-Government), பட்டய கணக்காளர் CompTia A+, (இறுதி) மற்றும் கணக்கியல் நிபுணர்களின் சங்கத்தின் முழு உறுப்பினர் பதவியும் அவரை சார்ந்ததாகும்.
அரச நிதி முகாமைத்துவம், பெறுகை முகாமைத்துவம், திட்ட நிதி, (e-Government), சேவைகள் தொடர்பில் ஆர்வம் காட்டுவதோடு, ஐக்கிய இராச்சியம், மலேசியா,தாய்லாந்து மற்றும் இந்தியா போன்ற நாடுகளின் அனுபவத்தினை கொண்டவராவார்.
திரு ஏ. எம். பீ. எம். பி அத்தபத்து இலங்கை திட்டமிடல் சேவையைச் சேர்ந்த ஒருவராவார். இவர் உதவிப் பணிப்பாளர், பிரதிப் பணிப்பாளர், பணிப்பாளர், பணிப்பாளர் தலைமையதிபதி, திறைசேரியின் பிரதி செயலாளராக 1994 தொடக்கம் கடமையாற்றியுள்ளதுடன் தற்போது கல்வி அமைச்சில் திட்டமிடல் பணிப்பாளர் தலைமையதிபதியாக கடமையாற்றி வருகிறார்.
திட்டமிடல் மற்றும் முகாமைத்துவம் ஆகிய துறையில் 25 வருட கால அனுபவத்தை கொண்டுள்ள இவர் திட்டமிடல் திணைக்களம், நிதி அபிவிருத்தி திணைக்களம், வெளிநாட்டு மூலவளத் திணைக்களம் மற்றும் நிதியமைச்சில் பல்வேறு பதவிகளை வகித்துள்ளார்.
திரு ஏ. எம். பீ. எம். பி அத்தபத்து ஸ்ரீ ஜயவர்தனபுர பல்கலைக்கழகத்தின் பட்டதாரியாவார். மேலும், பொது நிர்வாகத் துறையில் பட்டமொன்றையும் பெற்றுள்ள இவர் கொழும்புப் பல்கலைக்கழகத்தில் பொருளாதார அபிவிருத்தி தொடர்பான பட்டப்பின் படிப்பு டிப்ளேமாமாவையும், ஜப்பானின் அபிவிருத்தி பொருளாதார கல்வி நிறுவனத்தில் அபிவிருத்தி பொருளாதாரம் பற்றிய பட்டப்பின் படிப்பு டிப்ளோமாவையும், ஆஸ்திரேலியாவின் ப்லின்டர் பல்கலைக்கழகத்தில் சர்வதேச தொடர்புகள் பற்றிய பட்டப் பின் படிப்பையும் நிறைவு செய்துள்ளார்.
கலாநிதி திரு. பீ. என் மீகஸ்வத்த
கலாநிதி பீ. எஸ். மீகஸ்வத்த ஒரு விஞ்ஞான ஆசிரியராவார். ரூபவாஹினி கல்விப் பிரிவில் தயாரிப்பாளராகவும் பிரதானியாகவும், ஆராய்ச்சி மற்றும் பயிற்சி பணிப்பாளராகவும், பிரதிப் பணிப்பாளராகவும், நிகழ்ச்சித் திட்ட பணிப்பாளராகவும், தேசிய ஆங்கில மொழி நிகழ்ச்சித்திட்டத்தின் ஆலோசகராகவும், நிகழ்ச்சித் திட்ட முகாமையாளராகவும், பல துறைகளின் கருத்திட்ட ஆலோசகராகவும் 1982 ஆண்டு தொடக்கம் பணியாற்றியுள்ளார். இவர் தற்போது கல்வி அமைச்சின் யுனெஸ்கோ நிகழ்ச்சித்திட்டப் பணிப்பாளர் தலைமை அதிபதியாக பணியாற்றி வருகிறார்.
முகாமைத்துவ துறையில் மூன்று தசாப்த கால அனுபவத்தை கொண்டுள்ள இவர் சுயாதீன தொலைக்காட்சி வலையமைப்பு, ஸ்ரீலங்கா ரூபவாஹினி சேவை, எம்.ரி. வி /எம். பி. சி. புலமைப்பரிசில் சபை மற்றும் இலங்கை தகவல், தொடர்பாடல் தொழில்நுட்ப முகவர் நிறுவனத்தில் பல்வேறு பதவிகளையும் வகித்துள்ளார்.
கலாநிதி பீ. எஸ். மீகஸ்வத்த இலங்கை திறந்த பல்கலைக்கழகத்தின் விஞ்ஞானப் பட்டதாரியாவார். தேசிய வணிக முகாமைத்துவம் நிறுவனத்தில் முகாமைத்துவம் தொடர்பான டிப்ளோமா, பண்டாரநாயக்க சர்வதேச கல்வி நிலையத்தில் சர்வதேச நடவடிக்கைகள் தொடர்பான பட்டப்பின் படிப்பு டிப்ளோமா, கொழும்புப் பல்கலைக்கழகத்தில் வணிகக் கல்வி தொடர்பான பட்டப்பின் படிப்புப் பட்டம், களனிப் பல்கலைக்கழகத்தில் தொடர்பாடல் துறையில் முதுகலைப் பட்டத்தையும், கலாநிதி பட்டத்தையும் பெற்றுள்ளார்.
இவர் தற்போது இலங்கையிலுள்ள யுனெஸ்கோ தேசிய ஆணைக்குழுவில் செயலாளராக கடமையாற்றி வருகிறார்.
