ගරු දිනේෂ් ගුණවර්ධන මැතිතුමා 2021 අගෝස්තු 19 දින අධ්යාපන අමාත්‍යවරයා වශයෙන් වැඩ භාර ගත්තේය. අත්දැකීම් බහුල, ප්‍රවීණ දේශපාලනඥයෙකු වන ගරු. දිනේෂ් ගුණවර්ධන මැතිතුමන් 1968 දී තරුණ නායකයෙකු ලෙසත්, පසුව 1973 දී මහජන එක්සත් පෙරමුණේ නායකයා ලෙසත් සිය දේශපාලන ජීවිතයේ ආරම්භයේ පටන් සෑම තරාතිරමකම දේශපාලන හා පාලන තන්ත්‍රයන් හි නියුක්ත විය.
ගරු. දිනේෂ් ගුණවර්ධන මහතා 1983 වර්ෂයේ දී පාර්ලිමේන්තුවට මුලින්ම තේරී පත් වූ අතර 1989 වසරේ දී විපක්ෂ පාර්ලිමේන්තු මන්ත්‍රීවරයෙකු වශයෙන් කටයුතු කළේ ය. මේ දක්වා විවිධ අමාත්‍යංශයන් හි වගකීම් දරා ඇති අතර මීට පෙර ප්‍රවාහන අමාත්‍ය (2000), ප්‍රවාහන හා පරිසර අමාත්‍ය (2001), නාගරික සංවර්ධන අමාත්‍ය (2004 - 2010), උසස් අධ්යාපන නියෝජ්‍ය අමාත්‍ය (ජනාධිපති යටතේ නියෝජ්‍ය ධුරය ලද, 2004 - 2007), පූජනීය ප්‍රදේශ සංවර්ධන අමාත්‍ය (2007 - 2010), ජල සම්පාදන හා ජලාපවහන අමාත්‍ය (2010 - 2015), මහානගර හා බස්නාහිර පළාත් සංවර්ධන අමාත්‍ය (2018), රැකියා, නිපුණතා සංවර්ධන හා කම්කරු සබඳතා අමාත්‍ය (2019 - 2020) සහ විදේශ අමාත්‍ය (2019 - 2021) වශයෙන් කටයුතු කර ඇත.
ගරු දිනේෂ් ගුණවර්ධන මහතා ආණ්ඩු පක්ෂයේ ප්‍රධාන සංවිධායක (2008 - 2015), ඒකාබද්ධ විපක්ෂයේ නායක (2015 - 2018) සහ 2019 නොවැම්බර් සිට සභානායකවරයා වශයෙන් ද කටයුතු කර ඇත.
දිනේෂ් ගුණවර්ධන මහතා 1949 මාර්තු 2 දින ශ්‍රී ලංකාවේදී උපත ලැබූ අතර ඔහුගේ පියා දිවංගත ගරු. පිලිප් ගුණවර්ධන මහතා ශ්‍රී ලංකාවේ ජාතික වීරයෙකු වශයෙන් සැළකෙන අතර එතුමන් වෘත්තීය සමිති නායකයෙකු, පාර්ලිමේන්තු මන්ත්‍රීවරයෙකු, අමාත්‍යවරයෙකු, දේශපාලන පක්ෂය නිර්මාතෘවරයෙකු සහ කර්තෘවරයෙකු වශයෙන් ද කටයුතු කර ඇත. ගරු දිනේෂ් ගුණවර්ධන මහතාගේ මව වූ දිවංගත කුසුමා ගුණවර්ධන මැතිණිය ද ශ්‍රී ලංකාවේ ප්‍රවීණ පාර්ලිමේන්තු මන්ත්‍රීවරියකි.
ඔහු කොළඹ රාජකීය විද්‍යාලයේ ආදි ශිෂ්‍යයෙක් වන අතර නයිරෝඩ් (Nyenrode) ව්‍යාපාර විශ්ව විද්‍යාලයෙන් (නෙදර්ලන්ත ව්‍යාපාර පාසල) සහ ඔරිගන් විශ්ව විද්‍යාලයෙන් පිළිවෙලින් ව්‍යාපාර පරිපාලනය හා කළමනාකරණය පිළිබඳ උපාධියක් සහ ව්‍යාපාර පරිපාලනය, කළමනාකරණය සහ ජාත්‍යන්තර ප්‍රවාහන පිළිබඳ උපාධියක් ද ලබා ඇත.
ශ්‍රී ලංකාවේ සහ ගෝලීය ප්‍රජාව සඳහා ඔහු විසින් සපයන ලද අතිමහත් දායකත්වය අගයමින් අමාත්‍යවරයා සම්මාන රැසකින් පිදුම් ලැබීය. ස්පාඤ්ඤයේ රජු විසින් පිරිනැමූ " The Orden de Isabel la Catolica", සම්මානය, Slum Dwellers International ආයතනය මගින් පිරිනැමූ "the International Pro-Poor Leader' සම්මානය හා කියුබානු රජය විසින් පිරිනැමූ "Cuba’s Solidarity Order" සම්මානය ඒ අතර වේ.
අච්චිගේ දොන් සුසිල් ප්‍රේමජයන්ත (උපත 1955 ජනවාරි 10) යනු ශ්‍රී ලංකාවේ දේශපාලනඥයෙකු සහ පාර්ලිමේන්තු මන්ත්‍රීවරයෙකි.
අධ්‍යාපනය
ප්‍රේමජයන්ත මහතා නුගේගොඩ ශාන්ත ජෝන් විද්‍යාලයෙන් සිය ප්‍රාථමික හා ද්විතීයික අධ්‍යාපනය ලබාගත්තේය. පසුව, ඔහු කොළඹ විශ්ව විද්‍යාලයට ඇතුළත් වී 1982 දී නීතිවේදී උපාධියක් ලබා 1984 දී නීතිඥයෙකු බවට පත් විය. 2004 දී, ඔහු ශ්‍රී ජයවර්ධනපුර විශ්ව විද්‍යාලයෙන් රාජ්‍ය පරිපාලනය පිළිබඳ ශාස්ත්‍රපති උපාධියක් ද ලබා ගත්තේය.
දේශපාලන වෘත්තිය
ප්‍රේමජයන්ත මහතා සිය දේශපාලන ජීවිතය ආරම්භ කළේ 1991 දී ශ්‍රී ජයවර්ධනපුර කෝට්ටේ නගර සභාවේ උප සභාපති ලෙස තේරී පත්වීමෙනි. 1993 දී බස්නාහිර පළාත් සභාවට තේරී පත් වූ ඔහු 1995 දී එම පළාතේ මහ ඇමති ලෙස තේරී පත් විය.
වර්ෂ 2000 දී ඔහු ගම්පහ දිස්ත්‍රික්කයෙන් ප්‍රථම වරට පාර්ලිමේන්තුවට තේරී පත් වී අධ්යාපන අමාත්‍ය ධුරයට හෙබවිය. 2001 මහ මැතිවරණයෙන් ජනතා සන්ධානය පරාජයට පත් වුවද, ප්‍රේමජයන්ත මහතා කොළඹ දිස්ත්‍රික්කයෙන් නැවත පාර්ලිමේන්තුවට තේරී පත් වූ අතර පසුව පැවති මැතිවරණවලදී ඔහුගේ ආසනය ආරක්ෂා කරගත්තේය.
එච්. එම්. පියල් නිශාන්ත ද සිල්වා (උපත 1970 ජූනි 30) ශ්‍රී ලංකා දේශපාලනඥයෙකු සහ ශ්‍රී ලංකා පාර්ලිමේන්තු මන්ත්‍රීවරයෙකි.
අධ්‍යාපනය
පියල් නිශාන්ත සිය ප්‍රාථමික හා ද්විතීයික අධ්‍යාපනය ලබාගත්තේ අළුත්ගම ජාතික පාසලෙනි. පසුව ඔහු දුරස්ථ ඉගෙනුම් මධ්‍යස්ථානයේ ඩිප්ලෝමා පාඨමාලාවක් හැදෑරූ අතර 1993 දී දෘශ්‍ය හා රංග කලාව පිළිබඳ ගුරුවරයෙකු විය.
දේශපාලන දිවිය
පියල් නිශාන්ත සිය දේශපාලන ජීවිතය ආරම්භ කරන ලද්දේ 1996 දී කළුවාමෝදර ග්‍රාම නිලදාරි කොට්ඨාසයේ ශ්‍රී ලංකා නිදහස් පක්ෂයේ ලේකම් ලෙස තේරී පත්වීමෙනි. 1997 දී ඔහු බේරුවල ප්‍රාදේශීය සභාවට තේරී පත්වූ අතර 2006 දී එහි සභාපති ධුරයට පත්විය.
2009 දී ඔහු බස්නාහිර පළාත් සභාවට තේරී පත් විය. 2015 දී ඔහු ප්‍රථම වතාවට කළුතර දිස්ත්‍රික්කයෙන් එක්සත් ජනතා නිදහස් සන්ධානය නියෝජනය කරමින් පාර්ලිමේන්තුවට තේරී පත්විය.
ශ්‍රී ලංකාවේ පොදුජන පෙරමුන නියෝජනය කරමින් 2020 වසරේදී පාර්ලිමේන්තු මැතිවරණයට ද ඔහු තරඟ කළ අතර එහිදී ශ්‍රී ලංකාවේ 16 වන පාර්ලිමේන්තුවට තේරී පත් විය. ජනාධිපති ගෝඨාභය රාජපක්ෂ මහතාගේ දෙවන කැබිනට් මණ්ඩලයේ සාමාජිකයෙකු වශයෙන් 2020 අගෝස්තු 12 වන දින ඔහු කාන්තා හා ළමා සංවර්ධන, පෙර පාසල් හා ප්‍රාථමික අධ්යාපන, පාසල් යටිතල පහසුකම් සහ අධ්යාපන සේවා රාජ්‍ය අමාත්‍යවරයා ලෙස පත් කරන ලදී.
ආචාර්ය මොහට්ටිගේ උපාලි සේදර (අධ්‍යාපනවේදී ගෞරව (ශ්‍රී ලංකාව), ශාස්ත්‍රපති, ආචාර්ය උපාධිය (Lowa ), ආචාර්ය උපාධිය (MCU) සහිත විශාරදයෙකි. ඔහු අධ්යාපන ක්ෂේත්රයේ ප්‍රවීණයෙකුවන අතර මනෝමිතික විද්‍යාව පිළිබඳ විශේෂඥයෙකි. ඔහු බොහෝ වශයෙන් පිළිගැනුන ග්‍රන්ථ දෙකක කතුවරයෙකි. 2000 වසරේදී ඇමරිකා එක්සත් ජනපදයේ දී ප්‍රකාශයට පත් කරන ලද “ගෝලීයකරණය සහ අධ්යාපන ප්‍රතිසංස්කරණ” (Globalization and Education Reforms) (පිටු 400) යනු එයින් පළමු ග්‍රන්ථයයි. එය එක්සත් ජනපදයේ ප්‍රමුඛ පෙළේ විශ්ව විද්‍යාල 18ක සහ ලොව පුරා විශ්ව විද්‍යාල ගණනාවක පරිශීලනය කරනු ලබන නිර්දේශිත ලැයිස්තුගත ග්‍රන්ථයකි. ඔහුගේ මෑත කාලීන ග්‍රන්ථය වන 2019 වර්ෂයේ ඉන්දියාවේ ෆැල්කන් සමාගම සමඟ ප්‍රකාශයට පත් කරන ලද පිටු 350කින් යුත් “දැනුම් ආර්ථිකයට ගැළපෙන අධ්‍යාපනය” (Education Meeting Knowledge Economy) අධ්යාපන ක්ෂේත්රයේ ජනප්‍රිය ග්‍රන්ථයකි.
ඔහුගේ ආචාර්ය උපාධි පර්යේෂණයට මනා පිළිගැනීමක් ලැබුණු අතර බොහෝ සෙයින් විශ්වසනීයත්ව න්‍යාය ප්‍රධාන විය. එහිදී, ඔහු විසින් විශ්වස්‍යතා සංගුණක හතරෙහි සම්මත මිණුම් දෝෂය තක්සේරු කරන ලදී. ආචාර්ය උපාධිය අවසන් කර වසර 30කට පසු ලොව හොඳම විශ්ව විද්‍යාල 50න් එකක් වන Lowa විසින් ලොව පුරා වූ අධ්‍යාපනය සඳහා සේදරගේ දායකත්වය පිළිබඳව පිටු දෙකක් ලියා පළ කරන ලදී.
ආචාර්ය සේදර එක්සත් ජාතීන්ගේ ජාත්‍යන්තර සිවිල් සේවකයෙකු ලෙස, ලෝක බැංකු ව්‍යාපෘති නියාමක ලෙස සහ USAID කණ්ඩායම් ප්‍රධානී සහ ප්‍රතිපත්ති උපදේශක ලෙස රටවල් 30කට අධික සංඛ්‍යාවක සේවය කර ඇත. එක්සත් ජාතීන්ගේ සංවිධානයට බැඳීමට පෙර ශ්‍රී ලංකා විශ්ව විද්‍යාලවල වසර 20ක කාලයක් සේවය කර ඇත. ඔහු පල්ලේකැලේ ශ්‍රී ලංකා ජාත්‍යන්තර බෞද්ධ විද්‍යායතනයේ නායකයා සහ ප්‍රධාන විධායක නිලධාරියා ලෙස සේවය කළේය. එමෙන්ම, ඔහු 2004 දී ශ්‍රී ලංකාවේ අධ්යාපන අංශ සංවර්ධන සැලැස්ම සකස් කිරීමේ උපදේශකයෙකු ලෙස ද සේවය කළේය. ඔහු 2009 දී අධ්යාපන අමාත්‍යවරයාගේ උපදේශකයෙකු ලෙස සේවය කළ අතර පසුව මහරගම ජාතික අධ්යාපන ආයතනයේ අධ්‍යක්ෂ ජනරාල් ධුරය හෙබවීය.
ආචාර්ය සේදර විසින් ශ්‍රී ලංකාවේ ජිවන අභිවෘද්ධිය ශක්තිමත් කිරීම හා ස්ථිරසාර ප්‍රතිපත්ති සම්පාදනය සඳහා 2016 වසරේ සිට අතිගරු ජනාධිපති ගෝඨාභය රාජපක්ෂ මහතාගේ ඉදිරි ගමනට සහාය වෙමින් ‘වියත් මග අධ්යාපන අංශයේ කථිකා’ සඳහා නායකත්වය සපයන ලදී. ඔහු සිංහල භාෂාවෙන් රචිත අධ්‍යාපනය සම්බන්ධ පොත් රාශියක කතුවරයෙකුවන අතර 100කට අධික ප්‍රමාණයක් ප්‍රකාශනයට පත් කර ඇත.
එස්. එච්. හරිස්චන්ද්‍ර මහතා 1990 සිට ශ්‍රී ලංකා පරිපාලන සේවයේ (SLAS) නිලධාරියෙකුවන අතර සහකාර ප්‍රාදේශීය ලේකම්වරයෙකු, ප්‍රාදේශීය ලේකම්වරයෙකු, ප්‍රාදේශීය අධ්‍යක්ෂවරයෙකු, අධ්‍යක්ෂවරයෙකු, ජ්‍යෙෂ්ඨ සහකාර ලේකම්වරයෙකු, අතිරේක ලේකම්වරයෙකු, කොමසාරිස්වරයෙකු, අධ්‍යක්ෂ ජනරාල්වරයෙකු, රාජ්‍ය අමාත්‍යංශ ලේකම්වරයෙකු ලෙස සේවය කර තිබේ. වර්තමානයේ දී, ඔහු දහම් පාසල්, භික්ෂු අධ්යාපන, පිරිවන් සහ බෞද්ධ විශ්වවිද්‍යාල රාජ්‍ය අමාත්‍යංශයේ ලේකම් ලෙස කටයුතු කරයි.
කළමනාකරණ හා පරිපාලන ක්ෂේත්රයේ වසර 30ක පළපුරුද්දක් ඔහු සතු වේ. එමෙන්ම ඔහු රාජ්‍ය පරිපාලන අමාත්‍යාංශය, කාර්මික සංවර්ධන අමාත්‍යාංශය, කර්මාන්ත හා වාණිජ කටයුතු අමාත්‍යාංශය, ක්‍රීඩා අමාත්‍යාංශය, මෝටර් රථ ප්‍රවාහන දෙපාර්තමේන්තුව, උසස් අධ්යාපන හා පර්යේෂණ අමාත්‍යාංශය, කාර්මික තාක්ෂණ ආයතනය (තොරතුරු තාක්ෂණ ආයතනය), තොරතුරු තාක්ෂණ කළමනාකරණ දෙපාර්තමේන්තුව, මුදල් අමාත්‍යාංශය, ජල සැපයුම් පහසුකම් අමාත්‍යාංශය යන ආයතනයන්හි විවිධ තනතුරු දරා තිබේ.
එස්. එච්. හරිස්චන්ද්‍ර මහතා කැලණිය විශ්ව විද්‍යාලයේ ශාස්ත්‍රවේදී විශේෂ ( කෘෂිකර්මය හා ආර්ථික විද්‍යාව) උපාධියක් ලබා ඇති අතර නෙදර්ලන්තයේ මාස්ට්‍රික්ට් කළමනාකරණ පාසලෙන් ව්‍යාපෘති කළමනාකරණය පිළිබඳ ඩිප්ලෝමාවක් ද, ශ්‍රී ලංකා සංවර්ධන පරිපාලන ආයතනයෙන් (SLIDA) සාමාන්‍ය කළමනාකරණ ඩිප්ලෝමාවක් ද, ඉන්දියාවෙන් මූල්‍ය කළමනාකරණය පිළිබඳ පශ්චාත් උපාධි ඩිප්ලෝමාවක් සහ ශ්‍රී ලංකා සංවර්ධන පරිපාලන ආයතනයෙන් (SLIDA) රාජ්‍ය කළමනාකරණය (ව්‍යාපෘති කළමනාකරණ) පිළිබඳ පශ්චාත් උපාධියක් ද ලබා තිබේ.
කේ.එම.එස්.ඩී කුමාරි ජයසේකර මහත්මිය කාන්තා හා ළමා සංවර්ධන, පෙර පාසල් හා ප්‍රාථමික අධ්යාපන, පාසල් යටිතල පහසුකම් හා අධ්යාපන සේවා යන රාජ්‍ය අමාත්‍යාංශයේ ලේකම් වන අතර වසර 29 ක ක්ෂේත්‍ර කළමනාකරණය හා පරිපාලනය පිළිබඳ පළපුරුද්ද ඇති ශ්‍රී ලංකා පරිපාලන සේවා (විශේෂ) නිලධාරිනියකි. ඇය දෙවුන්දර දී උප දිසාපතිවරියක ලෙස 1991 වර්ෂයේ රාජ්‍ය පරිපාලනයේ සිය සේවය ආරම්භ කර ඇත.එතැන් සිට ඇය ප්‍රාදේශීය, දිස්ත්‍රික් සහ තාවකාලික මට්ටම් වල විවිධ තනතුරු වල සිය සේවාවන් දායක කර තිබේ. ඇය වසර 8 ක් පුරාවට ශ්‍රී ලංකා සංවර්ධන පරිපාලන ආයතනයේ ජ්‍යෙෂ්ඨ උපදේශකවරියක්, අතිරේක අධ්‍යක්ෂ ජනරාල්වරියක් සහ අධ්‍යක්ෂ ජනරාල්වරියක් වශයෙන් සිය සේවය අඛණ්ඩව කරගෙන ගියාය. ඇයගේ වෘත්තීය ජීවිතය තුළ ඇය එම සංවිධාන ජාතික ඵලදායිතාව, අයිඑස්ඕ සහ ජනාධිපති සම්මාන ලබා ගැනීමට නායකත්වය දී ඇත.
කේ.එම.එස්.ඩී කුමාරි ජයසේකර මහත්මිය ශ්‍රී ජයවර්ධනපුර විශ්ව විද්‍යාලයේ විද්‍යා උපාධියක් ලබා ඇති අතර කළමනාකරණය පිළිබඳ පශ්චාත් උපාධි ඩිප්ලෝමාවක්ද, ශ්‍රී ජයවර්ධනපුර විශ්ව විද්‍යාලයේ රාජ්‍ය පරිපාලන ශාස්ත්‍රපති සහ වික්ටෝරියා විශ්ව විද්‍යාලයේ කළමනාකරණ ව්‍යාපාර ශාස්ත්‍රපති (මෙල්බර්න්, ඕස්ට්‍රේලියාව) උපාධියක් ද ලබා ඇත.
ආචාර්ය එම්. එම්. වේහැල්ල මහත්මිය ශ්‍රී ලංකා අධ්යාපන පරිපාලන සේවයේ නිලධාරිණියක වේ. ඇය නියෝජ්‍ය විදුහල්පතිවරියක, සහකාර අධ්යාපන අධ්‍යක්ෂකවරියක, ජාතික අධ්යාපන කොමිසන් සභාවේ ලේකම් ලෙස හා අධ්යාපන අධ්‍යක්ෂවරියක ලෙස 1988 වසරේ සිට සේවය කර ඇති අතර වර්තමානයේදී අධ්යාපන අමාත්‍යංශයේ අතිරේක ලේකම් (ප්‍රතිපත්ති සැලසුම් හා කාර්යසාධන සමාලෝචන) වශයෙන් සේවය කරයි.
කළමනාකරණය හා පරිපාලනය සම්බන්ධ වසර 32කට අධික අත්දැකීම් ඇයට ඇති අතර බස්නාහිර හා සබරගමුව පළාත් අධ්යාපන දෙපාර්තමේන්තුව, රජයේ පාසල් හා අධ්යාපන අමාත්‍යංශය යන ආයතනයන්හි විවිධ තනතුරු දරමින් සේවය කර ඇත.
එච්. යු. ප්‍රේමතිලක මහතා ශ්‍රී ලංකා අධ්යාපන පරිපාලන සේවයේ නිලධාරියෙකුවන අතර නියෝජ්‍ය විදුහල්පතිවරයෙකු හා විදුහල්පතිවරයෙකු ලෙස 1988 වසරේ සිට සේවය කර ඇති අතර වර්තමානයේදී අධ්යාපන අමාත්‍යංශයේ අතිරේක ලේකම් (අධ්යාපන ගුණාත්මක සංවර්ධන) වශයෙන් සේවය කරයි.
කළමනාකරණය හා පරිපාලනය සම්බන්ධ වසර 32කට අධික අත්දැකීම් ඔහුට ඇති අතර මාතලේ විජය විද්‍යාලය, වලාල, මැණික්හින්න ඒ. රත්නායක විද්‍යාලය, කොළඹ නාලන්දා විද්‍යාලය හා අධ්යාපන අමාත්‍යංශය යන ආයතනයන්හි විවිධ තනතුරු දරමින් සේවය කර ඇත.
එල්. එම්. ඩී. ධර්මසේන මහතා ශ්‍රී ලංකා අධ්යාපන පරිපාලන සේවයේ නිලධාරියෙකු වේ. ඔහු නියෝජ්‍ය විදුහල්පතිවරයෙකු, සහකාර අධ්යාපන අධ්‍යක්ෂවරයෙකු (ප්‍රතිපත්ති හා සැලසුම්), නියෝජ්‍ය විභාග කොමසාරිස්වරයෙකු, විදුහල්පතිවරයෙකු, අධ්යාපන අධ්‍යක්ෂවරයෙකු, ප්‍රධාන කොමසාරිස්වරයෙකු වශයෙන් 1988 සිට සේවය කර ඇති අතර වර්තමානයේදී අධ්යාපන අමාත්‍යංශයේ අතිරේක ලේකම් (පාසල් කටයුතු) වශයෙන් සේවය කරයි.
කළමනාකරණය හා පරිපාලනය සම්බන්ධ වසර 32කට වඩා අත්දැකීම් ඔහු සතුවන අතර හංවැල්ල රාජසිංහ මාධ්‍ය මහා විද්‍යාලය, පාදුක්ක සිරි පියරත්න විද්‍යාලය, අධ්යාපන අමාත්‍යංශය, විභාග දෙපාර්තමේන්තුව, ආනන්ද විද්‍යාලය, මරදාන විද්‍යාලය ආදීයෙහි විවිධ තනතුරු දරමින් සේවය කර ඇත.
ඩබ්. එම්. එන්. ජේ. පුෂ්පකුමාර මහතා ශ්‍රී ලංකා අධ්යාපන පරිපාලන සේවයේ නිලධාරියෙකු වේ. ඔහු සහකාර කොමසාරිස්වරයෙකු, නියෝජ්‍ය කොමසාරිස්වරයෙකු, කොමසාරිස්වරයෙකු සහ විභාග කොමසාරිස් ජනරාල්වරයෙකු වශයෙන් 1988 සිට සේවය කර ඇති අතර වර්තමානයේදී අධ්යාපන අමාත්‍යංශයේ අතිරේක ලේකම් (අධ්යාපන සේවා ආයතන) වශයෙන් සේවය කරයි.
කළමනාකරණය හා පරිපාලනය සම්බන්ධ වසර 32කට වඩා අත්දැකීම් ඔහු සතුවන අතර අධ්යාපන අමාත්‍යංශය, විභාග දෙපාර්තමේන්තුව හා අධ්යාපන ප්‍රකාශන දෙපාර්තමේන්තුව තුළ විවිධ තනතුරු දරමින් සේවය කර ඇත.
ජී. එම්. නීල් ගුණදාස මහතා 1988 දී ශ්‍රී ලංකා අධ්යාපන පරිපාලන සේවයට (SLEAS) සම්බන්ධ විය. නියෝජ්‍ය විදුහල්පතිවරයෙකු, ඌව සහ සබරගමු පළාත් අධ්යාපන දෙපාර්තමේන්තුවේ සහකාර අධ්යාපන අධ්‍යක්ෂකවරයෙකු සහ අධ්යාපන අමාත්‍යාංශයේ නියෝජ්‍ය අධ්යාපන අධ්‍යක්ෂකවරයෙකු ආදී වශයෙන් විවිධ තනතුරු දරා ඇත.
2006 සිට වර්තමානය දක්වා ඔහු අධ්යාපන අමාත්‍යාංශයේ තොරතුරු හා සන්නිවේදන තාක්ෂණ ක්ෂේත්රයේ අධ්යාපන අධ්‍යක්ෂ (තොරතුරු හා සන්නිවේදන තාක්ෂණ) සහ අධ්යාපන අධ්‍යක්ෂ (දත්ත කළමනාකරණ) යන අංශයන්හි සේවය කර ඇති අතර එහිදී සිය වෘත්තිය තුළ සන්ධිස්ථාන රාශියක් අත්කර ගත්තේය. ජාතික හා ජාත්‍යන්තර වශයෙන් සම්මානයට පාත්‍ර වූ ඊ-තක්සාලාව නම් වූ ජාතික ඉගෙනුම් අන්තර්ගත කළමනාකරණ පද්ධතිය ඔහුගේ නිර්මාණයන්ගෙන් එකකි.
අධ්යාපන පද්ධතිය පිළිබඳ දත්ත හා තොරතුරු සකස් කිරීම සම්බන්ධයෙන් වූ ජාතික අධ්යාපන කළමනාකරණ තොරතුරු පද්ධතිය (NEMIS) ක්‍රියාත්මක කිරීම ඔහුගේ වගකීම්වලින් එකකි. මෙම ක්‍රමය යටතේ ඔහු විසින් ගුරු මානව සම්පත් කළමනාකරණ තොරතුරු පද්ධතිය ස්ථාපිත කරන ලද අතර 2020 අවසන් වන විට සම්පූර්ණ කිරීමට නියමිත සමස්ත ශිෂ්‍ය ප්‍රජාව පිළිබඳ දත්ත පද්ධතියක් නිර්මාණය කෙරෙන ජාතික ශිෂ්‍ය තොරතුරු පද්ධතිය ද මෙහෙයවනු ලැබීය.
ගුණදාස මහතා හට කැලණිය විශ්ව විද්‍යාලයෙන් විද්‍යාවේදී උපාධියක් ද, ශ්‍රී ජයවර්ධනපුර විශ්ව විද්‍යාලයේ පශ්චාත් උපාධි කළමනාකරණ ආයතනයෙන් අධ්යාපන කළමනාකරණය පිළිබඳ පශ්චාත් උපාධි ඩිප්ලෝමාවක් ද, කොළඹ විශ්ව විද්‍යාලයෙන් පශ්චාත් උපාධි අධ්යාපන ඩිප්ලෝමාවක් ද, මහරගම ජාතික අධ්යාපන ආයතනයෙන් අධ්යාපන කළමනාකරණ පශ්චාත් උපාධි ඩිප්ලෝමාවක් ද, එක්සත් රාජධානියේ ෂෙෆීල්ඩ් විශ්ව විද්‍යාලයෙන් තොරතුරු කළමනාකරණය පිළිබඳ විද්‍යාපති උපාධියක්ද හිමිය.
පී. කේ. එස්. සුභෝදිනි මහත්මිය යනු කළමනාකරණය හා පරිපාලනය යන ක්ෂේත්‍රයන්හි වසර 20කට අධික අත්දැකීම් සහිත ශ්‍රී ලංකා පරිපාලන සේවයේ විශේෂ ශ්‍රේණියේ නිලධාරිනියකි. බස්නාහිර පළාත් අධ්යාපන අමාත්‍යංශයේ සහකාර ලේකම්වරියක ලෙස ඇය තම සේවය අරඹා ඇත. එතැන් පටන්, තැපැල් හා විදුලි සංදේශන අමාත්‍යංශය, වාරිමාර්ග අමාත්‍යංශය, මහවැලි අධිකාරිය, සමාජ සේවා අමාත්‍යංශය, අමාත්‍යමණ්ඩල කාර්යාලය, මහා නගර හා බස්නාහිර පළාත් සංවර්ධන අමාත්‍යංශය, කෘෂිකර්ම, වාරිමාර්ග හා ග්‍රාමීය සංවර්ධන යන ක්ෂේත්‍රයන්හි විවිධ තනතුරු දරා ඇත. ශ්‍රී ලංකා පරිපාලන සේවයට සම්බන්ධ වීමට පෙර ඇය ජාතික අධ්යාපන ආයතනයෙහි වසර තුනක කාලයක් සේවය කර ඇත.
පී. කේ. එස්. සුභෝදිනි මහත්මිය රුහුණු විශ්වවිද්‍යාලයේ කෘෂිකර්මය පිළිබඳ විද්‍යාවේදී උපාධි ධාරිනියකි. එමෙන්ම, පේරාදෙණිය විශ්වවිද්‍යාලයෙන් කෘෂිකර්මය පිළිබඳ විද්‍යාපති උපාධියක් ද කොළඹ විශ්වවිද්‍යාලයේ මුල්‍ය ආර්ථික විද්‍යාව හා කළමනාකරණය පිළිබඳ පශ්චාත් උපාධි ඩිප්ලෝමාවක් හිමිය.
ශ්‍රී ජයවර්ධනපුර විශ්ව විද්‍යාලයේ කළමනාකරණය පිළිබඳ පශ්චාත් උපාධි ආයතනයේ රාජ්‍ය පරිපාලනය පිළිබඳ පශ්චාත් උපාධියක් (e-Government), පේරාදෙණිය විශ්ව විද්‍යාලයේ ගිණුම් හා මුදල් පිළිබඳ පශ්චාත් උපාධි ඩිප්ලෝමාවක්, ගිණුම්කරණය පිළිබඳ උසස් ජාතික ඩිප්ලෝමාවක්, පුද්ගලික මූල්‍ය කළමනාකරණ ඩිප්ලෝමාවක්, තොරතුරු තාක්ෂණ ඩිප්ලෝමාවක්, CompTia A+, වරලත් ගණකාධිකරණ (අවසාන) හා ගිණුම්කරණ ශිල්පීන්ගේ සංගමයේ පුර්ණ සාමාජිකත්වය ඔහු සතුය.
රාජ්‍ය මුල්‍ය කළමනාකරණය, ප්‍රසම්පාදන කළමනාකරණය, ව්‍යාපෘති මුල්‍යකරණය, e-Government සේවාවන් පිළිබඳ උනන්දුවක් දක්වන අතර එක්සත් රාජධානිය, මැලේසියාව, තායිලන්තය හා ඉන්දියාව යන රටවල අත්දැකීම් ද සතුය.
ඒ. එම්. පි. එම්. බි. අතපත්තු මහතා ශ්‍රී ලංකා ක්‍රම සම්පාදන සේවයේ නිලධාරියෙකු වේ. ඔහු සහකාර අධ්‍යක්ෂවරයෙකු, නියෝජ්‍ය අධ්‍යක්ෂවරයෙකු, අධ්‍යක්ෂවරයෙකු, අතිරේක අධ්‍යක්ෂ ජනරාල්වරයෙකු, අධ්‍යක්ෂ ජනරාල්වරයෙකු, භාණ්ඩාගාරයේ නියෝජ්‍ය ලේකම්වරයෙකු වශයෙන් 1994 සිට සේවය කර ඇති අතර වර්තමානයේ අධ්යාපන අමාත්‍යංශයේ අධ්‍යක්ෂ ජනරාල් - සැලසුම් වශයෙන් කටයුතු කරයි.
සැලසුම් හා කළමනාකරණ ක්ෂේත්රයේ වසර විසි පහක අත්දැකීම් ඔහු සතුවන අතර ජාතික සැලසුම් දෙපාර්තමේන්තුව, මුල්‍ය සංවර්ධන දෙපාර්තමේන්තුව, විදේශ සම්පත් දෙපාර්තමේන්තුව හා මුදල් අමාත්‍යංශය තුළ විවිධ තනතුරු දරා ඇත.
ඒ. එම්. පි. එම්. බි. අතපත්තු මහතා ශ්‍රී ජයවර්ධනපුර විශ්ව විද්‍යාලයේ විද්‍යාවේදී උපාධිධරයෙකු වන අතර රාජ්‍ය පරිපාලනය පිළිබඳ උපාධිධරයෙකු ද වේ. එමන්ම, කොළඹ විශ්ව විද්‍යාලයේ ආර්ථික සංවර්ධනය පිළිබඳ පශ්චාත් උපාධි ඩිප්ලෝමාවක් ද ජපානයේ සංවර්ධන ආර්ථික විද්‍යා ආයතනයෙන් සංවර්ධන ආර්ථිකය පිළිබඳ පශ්චාත් උපාධි ඩිප්ලෝමාවක් ද ඕස්ට්‍රේලියාවේ ෆ්ලින්ඩර් විශ්ව විද්‍යාලයෙන් ජාත්‍යන්තර සම්බන්ධතා පිළිබඳ පශ්චාත් උපාධියක් ද ලබා තිබේ.
ආචාර්ය පී. එන්. මීගස්වත්ත මහතා විද්‍යා ගුරුවරයෙකු, රූපවාහිනී අධ්‍යාපනික ඒකකයේ නිෂ්පාදකයෙකු හා ප්‍රධානියෙකු, පර්යේෂණ හා පුහුණු අධ්‍යක්ෂකවරයෙකු, නියෝජ්‍ය අධ්‍යක්ෂ ජනරාල් වරයෙකු, වැඩසටහන් අධ්‍යක්ෂ වරයෙකු, ජාතික ඉංග්‍රීසි වැඩසටහනේ උපදේශකයෙකු, වැඩසටහන් කළමණාකරුවෙකු හා විවිධ ක්ෂේත්‍රයන්හි ව්‍යාපෘති සැලසුම් උපදේශකයෙකු වශයෙන් 1982 වසරේ පටන් සේවය කර ඇති අතර වර්තමානයේදී අධ්යාපන අමාත්‍යංශයේ යුනෙස්කෝ (UNESCO) වැඩසටහනෙහි අධ්‍යක්ෂ ජනරාල් ලෙස කටයුතු කරයි.
කළමනාකරණ ක්ෂේත්රයේ වසර 30ක අත්දැකීම ඇති ඔහු ස්වාධින රුපවාහිනී ජාලය, ශ්‍රී ලංකා රුපවාහිනී සංස්ථාව, එම්.ටි.වී/බිබිසි, මහපොළ මණ්ඩලය සහ ශ්‍රී ලංකා තොරතුරු හා සන්නිවේදන තාක්ෂණ නියෝජිතායතනය යන ආයතනයන්හි විවිධ තනතුරු දරමින් සේවය කර ඇත.
ආචාර්ය පී. එන්. මීගස්වත්ත මහතා ශ්‍රී ලංකා විවෘත විශ්ව විද්‍යාලයේ විද්‍යාවේදී උපාධිධරයෙකුවන අතර ජාතික ව්‍යාපාර කළමනාකරණ ආයතනයේ කළමනාකරණය පිළිබඳ ඩිප්ලෝමාවක්, බණ්ඩාරනායක ජාත්‍යන්තර අධ්‍යයන කේන්ද්‍රයේ ජාත්‍යන්තර කටයුතු පිළිබඳ පශ්චාත් උපාධි ඩිප්ලෝමාවක්, කොළඹ විශ්ව විද්‍යාලයේ ව්‍යාපාර අධ්‍යයනය පිළිබඳ පශ්චාත් උපාධියක්, කැලණිය විශ්ව විද්‍යාලයේ ජන සන්නිවේදනය පිළිබඳ විද්‍යාපති උපාධියක් හා ජන සන්නිවේදනය පිළිබඳ ආචාර්ය උපාධියක් ද හිමිය.
