Latest News

akalanka

ජාතික පිහිනුම් ශූර අකලංක පීරිස්ට ඉන්දුනීසියවේදී උසස් පෙළ විභාගයට පෙනී සිටීමේ වරම්

මෙරට ක්‍රීඩකයකුට විදේශයකදී ජාතික විභාගයකට පෙනී සිටීමට ලද ප්‍රථම අවස්ථාව ලෙස ඉතිහාසයට එක්වේ

ජාතික පිහිනුම් ශූරයකු වන ශාන්ත පීතර විදුහලේ අකලංක පීරිස් ශිෂ්‍යයාට මෙවර ජාත්‍යන්තර කණිෂ්ඨ ඔලිම්පික් තරගාවලිය පැවැත්වෙන ඉන්දුනීසියාවේ ජාකර්තා නුවර සිට උසස් පෙළ විෂයන් තුනකට පෙනී සිටීමට අධ්‍යාපන අමාත්‍යාංශය හා විභාග දෙපාර්තමේන්තුව අවස්ථාව සලසා දී තිබේ.

අකලංක පීරිස් ශිෂ්‍යයා සාමාන්‍ය පෙළ විභාගයේ දී A සාමාර්ථ 9 ක් සමගින් සමත් වී වාණිජ විෂය ධාරාවෙන් මෙවර අ.පො.ස. උසස් පෙළ සඳහා පෙනී සිටිනවා. මේ මස 18 වැනි දින සිට 23 වැනි දින දක්වා ඉන්දුනීසියාවේ ජාකර්තා නුවර පැවැත්වෙන ජාත්‍යන්තර කණිෂ්ඨ ඔලිම්පික් තරගාවලියේ පිහිනුම් ඉසව් නියෝජනය කිරීම සඳහා ඔහු අද දින (15) දිවයිනෙන් පිටත්ව යාමට නියමිත අතර එහිදී සාමාන්‍ය ඉංග්‍රීසි, සාමාන්‍ය පොදු පරීක්ෂණය හා ගිණුම්කරණය පළමු ප්‍රශ්න පත්‍රයට ඉදිරිපත්වීමට සූදානම්ව සිටී.

අධ්‍යාපන අමාත්‍ය අකිල විරාජ් කාරියවසම් මහතාගේ උපදෙස් මත විභාග කොමසාරිස් ජනරාල් සනත් පූජිත මහතා විසින් මේ සඳහා විශේෂ වැඩපිළිවෙළක් සකස්කර තිබේ.

Read more ...

cri1

පාසල් ක්‍රිකට් නංවන ක්‍රියාන්විතයේ තවත් සුවිශේෂී වැඩසටහනක් ඇරඹේ

·        ප්‍රවීන ක්‍රිකට් ක්‍රීඩකයින් සහ පුහුණුකරුවන්ගේ සම්පත් දායකත්වයෙන් පාසල් ක්‍රිකට් ක්‍රීඩා හැකියා සංවර්ධන වැඩසටහනක්

·        ක්ෂේත්‍රයේ ප්‍රවීනයන්ට වගකීම් බාර දී එම කටයුතු සාර්ථකව කරගෙන යාමට අවශ්‍ය සහය ලබාදීම දේශපාලන නායකත්වයේ කාර්යභාරය බව අධ්‍යාපන අමාත්‍යවරයා පවසයි

දිවයින පුරා විසිරී සිටින ක්‍රිකට් ක්‍රීඩාවට දක්ෂතා සහ හැකියාවන් සහිත පාසල් දරුවන්ගේ දක්ෂතා  ජාතික මට්ටමට සුදුසු පරිදි නිර්මාණය කිරීම අරමුණු කරගනිමින් පාසල් ක්‍රිකට් ක්‍රීඩා සංවර්ධනය වෙනුවෙන් විශේෂ වැඩසටහනක් සකස්කර ක්‍රියාත්මක කිරීමට පියවර ගත් බව අධ්‍යාපන අමාත්‍ය අකිල විරාජ් කාරියවසම් මහතා පැවසුවේය.

අමාත්‍යවරයා මේ බව පැවසුවේ අද (10) අධ්‍යාපන අමාත්‍යාංශ ශ්‍රවණාගාරයේ දී පැවති පාසල් ක්‍රිකට් පුහුණුකරුවන් හා පාසල් ක්‍රිකට් ක්‍රීඩකයින් සඳහා සංවිධානය කර තිබූ ක්‍රිකට් ක්‍රීඩා හැකියා සංවර්ධන පුහුණු වැඩසටහනට එක්වෙමිනි.

Read more ...

mou

ඉංග්‍රීසි භාෂා අධ්‍යාපනය ප්‍රවර්ධනය කිරීම සඳහා ඇමරිකාවේ Peace Corps සංවිධානයේ සහයෝගය. ගිවිසුම අත්සන් කිරීම

මෙරට ඉංග්‍රීසි භාෂා අධ්‍යාපනය ප්‍රවර්ධනය කිරීමේ අරමුණින් අධ්‍යාපන අමාත්‍යාංශය හා ඇමරිකානු Peace Corps සංවිධානය අතර අවබෝධතා ගිවිසුම අත්සන් කිරීම අධ්‍යාපන අමාත්‍ය අකිල විරාජ් කාරියවසම් මහතා සහ Mr. Robert Hilton (Charge de Affairs of US Embassy, Colombo) ගේ ප්‍රධානත්වයෙන් අධ්‍යාපන අමාත්‍යාංශයේ දී ඊයේ (09) සිදු කෙරුණු අතර අධ්‍යාපන ලේකම් සුනිල් හෙට්ටිආරච්චි මහතා සහ Ms. Kris Besch (Country Director, US Peace Corps) විසින් එම ගිවිසුම අත්සන් කරන ලදී.

නවීන හා නවෝත්පාදන ප්‍රවේශයන් ඔස්සේ ජාත්‍යන්තර ප්‍රවණතාවලට මුහුණදිය හැකි නිපුණතා සහිත පුරවැසියකු බිහිකිරීම අරමුණු කරගනිමින් අධ්‍යාපන අමාත්‍යාංශය සිදුකරන කටයුතු සඳහා මෙම ව්‍යාපෘතිය විශාල රුකුලක් වන බව අධ්‍යාපන අමාත්‍ය අකිල විරාජ් කාරියවසම් මහතා මෙහිදී පැවසීය.

පාසල්වල ඉංග්‍රීසි අධ්‍යාපනය නගාසිටුවීම වෙනුවෙන් විශේෂ අවධානය යොමු කර ඇති බව පැවසූ අධ්‍යාපන අමාත්‍යවරයා මීට පෙර Peace Corps සංවිධානයේ ස්වේච්ඡා සේවකයින්ගේ ද සහයෝගයෙන් ක්‍රියාත්මක කළ DELIC ගුරු පුහුණු වැඩසටහනෙහි සාර්ථකත්වය සිහිපත් කළ අතර, එක්සත් ජනපදය සහ ශ්‍රී ලංකාව අතර පවතින දිගුකාලීන මිත්‍රත්වය සහ මෙරට අධ්‍යාපන සංවර්ධනය වෙනුවෙන් ඔවුන් ලබාදෙන සහයෝගය ද අගය කරනු ලැබීය.

Read more ...

ne1

පොදු රද මඩුලු මහ ලේකම්වරිය සහ අධ්‍යාපන අමාත්‍යවරයා අතර හමුවක්

· මෙරට අධ්‍යාපනයේ උන්නතිය වෙනුවෙන් වැඩසටහන් රැසකට පොදු රාජ්‍ය මණ්ඩලීය දායකත්වය

· වත්මන් අධ්‍යාපන ප්‍රතිසංස්කරණයන් මහලේකම්වරියගේ ඇගයුමට

පොදු රාජ්‍ය මණ්ඩලීය මහ ලේකම් පැට්‍රීෂියා ස්කොට්ලන්ඩ් (Patricia Scotland) මහත්මිය සහ අධ්‍යාපන අමාත්‍ය අකිල විරාජ් කාරියවසම් මහතා අතර හමුවක් අද (03) දහවල් අධ්‍යාපන අමාත්‍යාංශයේ දී සිදු විය.

එහිදී පොදු රාජ්‍ය මණ්ඩලයේ මහ ලේකම්වරිය පොදු රාජ්‍ය මණ්ඩලයට අයත් රටවල තිරසර සංවර්ධන ඉලක්ක සපුරාලීම සඳහා පොදු රාජ්‍ය මණ්ඩලයේ දායකත්වය ලබාදීමට කැප වී සිටින බව සඳහන් කළේය.

ඒ අනුව, එක්සත් ජාතීන්ගේ තිරසර සංවර්ධන ඉලක්ක 17 අතරින් හතරවන ඉලක්කය ලෙස නම් කොට තිබෙන පරිපූර්ණ, සාධාරණ, ගුණාත්මක අධ්‍යාපනයක් සහතික කිරීම සහ සැමට ජීවිත කාලය පුරා ඉගෙනීමට අවස්ථා සැලසීම සඳහා මේ වනවිට පොදු රාජ්‍ය මණ්ඩලයේ විශේෂ අවධානය යොමු වී ඇති බව ද ඇය අවධාරණය කළාය.

Read more ...

minister1

මෙවර පහ ශ්‍රේණිය ශිෂ්‍යත්ව විභාගයට පෙනී සිටින සියලු දූ පුතුන්ට සහ අ.පො.ස උසස් පෙළ විභාගයට පෙනී සිටින සියලු දූ පුතුන්ට අධ්‍යාපන අමාත්‍ය අකිල විරාජ් කාරියවසම් මැතිතුමන්ගෙන් සුබපැතුම්!

දෙවැනි පාසල් වාර නිවාඩුව ආරම්භ කරමින් එළඹෙන අගෝස්තු මාසයට ඔබ සියලු දෙනා දැන් ප්‍රවේශ වී සිටියි. පසුගිය සියලු වර්ෂවල අගෝස්තු පාසල් නිවාඩුව සතුටින් සැහැල්ලුවෙන් විවේකී ව ගත කළත් මෙවර ඔබේ කාලය  එළඹෙන විභාගය වෙනුවෙන් වෙන්කරන්නට සිදුව තිබෙයි. 

විභාගය ඔබගේ දැනුම මැන බැලෙන එක් සුවිශේෂ ඇගයුම් ක්‍රියාවලියකි. එහෙත් මෙහිදී දරුවන්ගේ සියලු දැනුම හා හැකියාවන් විභාගය තුළින් මතුකර පෙන්වන්නට දී හැකියාව නොලැබෙයි. එහෙත් දෙන ලද කාලසීමාවක් තුළ විෂය දැනුම ආශ්‍රිතව ‍නිශ්චිත ව විමසා සිටින ප්‍රශ්න සමූහයකට පිළිතුරු සැපයීමේ අභියෝගයට දරුවන්ට මෙහි දී මුහුණ දෙන්නට සිදුවෙයි. කාල කළමනාකරණය, කාර්යක්ෂමතාව, අභියෝගවලට නොසැලී මුහුණ දීමේ ආත්ම විශ්වාසය, මතක ශක්තිය මේ හරහා පරීක්ෂා කෙරෙයි.

Read more ...

kite

2018 වර්ෂයේ දෙවන පාසල් වාරය අවසන් කිරීම සහ තුන්වන පාසල් වාරය ආරම්භ කිරීම

රජයේ හා රජයේ අනුමත සිංහල හා දෙමළ මාධ්‍ය පාසල්වල දෙවන පාසල් වාරය 2018 අගෝස්තු මස 03 වැනි සිකුරාදායින් අවසන් වන අතර තෙවන පාසල් වාරය ආරම්භ වන්නේ 2018 සැප්තැම්බර් මස 03 වන සඳුදායි.

මුස්ලිම් පාසල් සඳහා දෙවන පාසල් වාරය දෙවන අදියර 2018 අගෝස්තු මස 20 වන සඳුදායින් අවසන් වන අතර තෙවන පාසල් වාරය 2018 අගෝස්තු මස 27 වන සඳුදා ආරම්භ වේ.

opening

රාජ්‍ය සේවයේ ස්ථාන මාරුවීම් විදුහල්පතිවරුන්ටත් අදාළයි -

රාජ්‍ය සේවකයින්ට බලපැවැත්වෙන ස්ථාන මාරුවීම් අධ්‍යාපන සේවයේ නිරත සියලුම නිලධාරීන්ට ද ක්‍රියාත්මක වන බව අධ්‍යාපන අමාත්‍ය අකිල විරාජ් කාරියවසම් මහතා පෙන්වා දෙයි. පසුගිය කාලයේ ගුරුවරුන් එකම පාසලේ වසර 30 ක් පමණ සේවය කළ අවස්ථා වාර්තා වූ බවත් නිසි පරිදි මාරුවීම් ක්‍රමවේදයක් ක්‍රියාත්මක කිරීමට අධ්‍යාපන අමාත්‍යවරයා ලෙස අධ්‍යාපන අමාත්‍යාංශය හරහා කටයුතු කරමින් නැවතත් අධ්‍යාපන ක්ෂේත්‍රය විධිමත් සහ ක්‍රමානුකූල කිරීමට තමා නායකත්වය දී ඇති බව පෙන්වා දුන් අධ්‍යාපන අමාත්‍ය අකිල විරාජ් කාරියවසම්  මහතා ඉදිරියේදී වසර 8 කට වඩා එකම පාසලේ සේවය කරමින් සිටින ජාතික පාසල්වල විදුහල්පතිවරුන්ට ද ස්ථාන මාරුවීම් ලබාදීමට  රාජ්‍ය සේවා කොමිසමේ අනුමැතියට යටත්ව තීරණය කර ඇති බව ද සඳහන් කළේය.

අමාත්‍යවරයා මේ අදහස් ප්‍රකාශ කළේ ඊයේ (29) කුලියාපිටිය කිරින්ඳව මහා විද්‍යාලයේ ළඟම පාසල හොඳම පාසල වැඩසටහන යටතේ ඉදිකළ නව දෙමහල් පන්ති කාමර ගොඩනැගිල්ල සිසු අයිතියට පැවරීම වෙනුවෙන් පැවති උත්සවයේ දී යි.  

Read more ...

sur

සුරක්ෂා සිසු රක්ෂණයේ ප්‍රතිලාභීන්ගේ ප්‍රතිලාභ වැඩිකිරීමට පියවර

සුරක්ෂා විශේෂ අරමුදල ගිවිසුම අත්සන් තැබේ.

සුරක්ෂා සිසු රක්ෂණයේ ප්‍රතිලාභීන්ගේ ප්‍රතිලාභ වැඩිකිරීමට පියවර

තමන්ගේ දරුවන් වෙනුවෙන් කැපවන මව්පියන්ට අස්වැසිල්ලක් ඉටුකිරීමට මෙම අරමුදල ඉවහල් වේවි

- අධ්‍යාපන අමාත්‍යවරයා පවසයි

සුරක්ෂා විශේෂ අරමුදලට අදාළ ගිවිසුම අද (30) අත්සන් කෙරුණි. ඒ අධ්‍යාපන ලේකම් සුනිල් හෙට්ටිආරච්චි මහතා සහ ශ්‍රී ලංකා රක්ෂණ සංස්ථාවේ සභාපති හේමක අමරසූරිය මහතා අතරයි. සුරක්ෂා සිසු රක්ෂණාවරණයෙන් ලක්ෂ හතළිස් පහක් වූ ජාතික, පළාත්, ජාත්‍යන්තර හා පෞද්ගලික පාසල්වල අධ්‍යාපනය ලබන සිසු දරු දැරියන් මෙන්ම පිරිවෙන්වල අධ්‍යාපනය ලබන ගිහි සහ පැවිදි සිසුන් වෙත ද ලබාදීම සිදු කෙරේ.

Read more ...

gall

ගාල්ල ජාත්‍යන්තර ක්‍රිකට් ක්‍රීඩාංගණය එම ස්ථානයෙන් ඉවත් කිරීමට කිසිදු සූදානමක් නැහැ. මෙරට යුනෙස්කෝ සභාපතිවරයා කියයි.

ගාල්ල ජාත්‍යන්තර ක්‍රිකට් ක්‍රීඩාංගණය එම ස්ථානයෙන් ඉවත් කිරීමට කිසිදු සූදානමක් නොමැති බව යුනෙස්කෝ සංවිධානයේ විධායක කමිටු සාමාජික සහ මෙරට සභාපති අධ්‍යාපන අමාත්‍ය අකිල විරාජ් කාරියවසම් මහතා අවධාරණය කළේය.

අද (24) අධ්‍යාපන අමාත්‍යාංශයේ පැවති මාධ්‍ය හමුවකට එක්වෙමින් මේ පිළිබද වැඩිදුරටත් අදහස් දැක්වූ යුනෙස්කෝ සංවිධානයේ මෙරට සභාපතිවරයා මහින්ද රාජපක්ෂ සමයේ සිදුකළ අත්තනෝමතික ක්‍රියාකාරකම්වල ප්‍රතිවිපාක මේ වන විට භුක්තිවිදීමට සිදු වී ඇති බව ද සිහිපත් කළේය.

යුනෙස්කෝ සංවිධානයේ නිර්දේශ නොසලකා හරිමින් ගාලු කොටු පවුර ලෝක උරුම සීමාවේ අනවසර ලෙස ඉදිකර ඇති ක්‍රීඩාගාරය ක්‍රමානුකූලව ඉවත් කිරීමට යුනෙස්කෝ සංවිධානය දැනුම් දී ඇති බව ද පෙන්වා දුන් අධ්‍යාපන අමාත්‍යවරයා අත්තනෝමතික ක්‍රියාකාරකම් සිදු කළ කණ්ඩායම් විසින් ම මෙම ඉදිකිරීම් ඉවත්කිරීමට එරෙහිව සහ වෙනත් අසත්‍ය තොරතුරු පතුරවමින් ජනතාව නොමග යවමින් සිටීම කණගාටුදායක තත්වයක් බව ද පෙන්වා දුන්නේය.

press

පාසල් අධ්‍යාපන පද්ධතිය බිඳ දැමීමේ සැලසුම් සහගත කුමන්ත්‍රණයක්

· බුද්ධිමත්ව කටයුතු කරන්නැයි මහජනතාවගෙන් අධ්‍යාපන අමාත්‍යවරයා ඉල්ලා සිටී

· ආණ්ඩු පෙරලීමට අවශ්‍ය නම් ඕන දෙයක් සිදු කරන්න. දරුවන්ගේ අධ්‍යාපනය සමග සෙල්ලම් එපා යැයි අධ්‍යාපන අමාත්‍යවරයා කියයි

වර්ජන සිදුකරමින් විශ්වවිද්‍යාල අධ්‍යාපනය කඩාකප්පල් කරමින් සිටින පරිදි අසාධාරණ හේතු දක්වමින් ඇතැම් වෘත්තීය සමිති විසින් පාසල් අධ්‍යාපන පද්ධතිය බිදදැමීමේ සැලසුම් සහගත කුමන්ත්‍රණයක් සිදු කරමින් සිටින බවත් ජනතාව මේ අනතුරුදායක තත්වය නිවැරදිව හදුනාගෙන කටයුතු කළ යුතු බවත් අධ්‍යාපන අමාත්‍ය අකිල විරාජ් කාරියවසම් මහතා ඊයේ (24) අධ්‍යාපන අමාත්‍යාංශයේ පැවති මාධ්‍ය සාකච්ඡාවේ දී පැවැසුවේය.

ආණ්ඩු පෙරළීමට අවශ්‍ය නම් ඕනෑ දෙයක් සිදුකරන ලෙසත් දරුවන්ගේ අධ්‍යාපනය සමග සෙල්ලම් කරන එපා යැයි ද අමාත්‍යවරයා වෘත්තීය සමිති සාමාජිකයින්ට දැනුම් දුන්නේය.

එළඹෙන 26 දින ගුරු වෘත්තීය සමිති විසින් වැඩ වර්ජනයක් කැඳවා තිබීම සම්බන්ධයෙන් මාධ්‍ය දැනුවත් කිරීම සදහා පැවති මෙම සාකච්ඡාවේ දී අමාත්‍යවරයා වැඩිදුරටත් සදහන් කළේ වෘත්තීය සමිතිවලට වෘත්තීය අයිතීන් වෙනුවෙන් කටයුතු කළ හැකි වුවත් අසාධාරණ ඉල්ලීම් මත පදනම් වී පාසල් දරුවන්ගේ අධ්‍යාපන හා විභාග කටයුතුවලට බාධා සිදුකිරීම තමන් තරයේ හෙලා දකින බවයි.

Read more ...