Latest News

demataoya 2

2020 වසරට අලුතින් සිසුන් තුන්දෙනයි. පාසලේ මුලු සිසුන් ගණන 04යි... ඩලස් අලහප්පෙරුම අධ්‍යාපන අමාත්‍යවරයාගේ හදිසි නිරීක්ෂණ චාරිකාවෙන් පාසලට සහන රැසක්

මධ්‍යම පළාතේ ගලේවෙල අධ්‍යාපන කලාපයට අයත් නාලන්දාවේ දෙමදඔය ප්‍රාථමික විද්‍යාලය 1961 වසරේ සිට ක්‍රියාත්මක වන පැරණි පාසලකි. මෙම පාසලේ වර්තමාන සිසුන් සංඛ්‍යාව 1ක් වන අතර ගුරුවරුන් හතර දෙනෙක් (04) සේවය කරයි.

ශ්‍රේණිධාරී විදුහල්පතිවරයෙක් මෙම පාසලට පත්වීමට නියමිත ව සිටින අතර, මේ වනවිට සිසුන් සංඛ්‍යාව අඩුවීමට බලපා ඇත්තේ පාසලේ පවත්නා පහසුකම් ප්‍රමාණවත් නොවීම හා පහසුකම් සහිත පාසල් කිහිපයක් එම පාසලට ආසන්නයේ පිහිටා තිබීමයි.

Read more ...

gr1 1

“දරුවන් කිසිවෙක් අසමතුන් නොවේ, දරුවන්ගේ සමත්කම් අවබෝධ කරගන්නට අපේ අධ්‍යාපන ක්‍රමය සමත් විය යුතුයි...” ‍‍ - අධ්‍යාපන, ක්‍රීඩා හා තරුණ කටයුතු අමාත්‍ය ඩලස් අලහප්පෙරුම

සමාජයේ ඇති අශිෂ්ටත ම බෙදීම දරුවන් සමතුන් සහ අසමතුන් ලෙස බෙදා වෙන්කිරීම බවත්, දරුවන්ගේ සමත්කම් නිසියාකාර ව හඳුනාගැනීමට රටේ අධ්‍යාපන ක්‍රමය සමත් විය යුතු බවත් අධ්‍යාපන, ක්‍රීඩා හා තරුණ කටයුතු අමාත්‍ය ඩලස් අලහප්පෙරුම මහතා සඳහන් කරයි.

මාතලේ නුගගොල්ල ධර්මප්‍රදීප ප්‍රාථමික විද්‍යාලයේ පැවති 2020 වර්ෂය සඳහා පාසල්වල පළමු ශ්‍රේණියට සිසුදරුවන් ඇතුළත් කිරීමේ නිල උත්සවයට එක්වෙමින් අමාත්‍යවරයා මේ අදහස් පළ කළේය.

Read more ...

edu

නව අධ්‍යාපන ප්‍රතිසංස්කරණ යෝජනා‍ ක්‍රියාවට නැංවීමට නව අධ්‍යාපන කාර්ය සාධන බළකායක්

දැනුමෙන් පිරිපුන් පුරවැසියන් සහිත සමාජයක් ස්ථාපිත කිරීම උදෙසා සියලු පාර්ශවකරුවන් සහ ආයතන සමග සම්බන්ධීකරණයෙන් යෝග්‍ය වැඩසටහන් සැලසුම් කර ක්‍රියාත්මක කිරීමට අවශ්‍ය තාක්ෂණික ප්‍රතිපත්තිමය මාර්ගෝපදේශ සැපයීම සඳහා අධ්‍යාපන කාර්ය සාධන බලකායක් පිහිටුවීමට අතිගරු ජනාධිපතිතුමන්ගේ නිර්දේශයට අනුව අධ්‍යාපන අමාත්‍ය ඩලස් අලහප්පෙරුම මහතා විසින් පියවර ගෙන ඇති අතර, ඊට අදාළ අමාත්‍ය මණ්ඩල අනුමැතිය ද ලැබී තිබේ. එම කාර්ය සාධන බළකායේ නිලධාරීන් සඳහා අදාළ පත්වීම් ප්‍රදානය අද (14) පෙරවරුවේ අධ්‍යාපන අමාත්‍ය ඩලස් අලහප්පෙරුම මහතාගේ ප්‍රධානත්වයෙන් සිදුකෙරිණි.

Read more ...

gr1

එකට එකතු වෙන දරුවන්ට ...

2020 වසරේ ජනවාරි 20 වැනි දින ඔබේ දරුවා පාසලට පැමිණෙන පළමු දවසයි. වසර පහක් පුරා ඔබේ දරුවා වැඩුණේ, රැකුණේ ඔබේ පවුලේ සාමාජිකයන්ගේ ආදරය, රැකවරණය සහ පෝෂණය ඇසුරුකරගනිමිනි. ඒ හා සමග දරුවාගේ මූලික චින්තන රටාව සංවර්ධනය කරන්නට ද මූලික දායකත්වය ලැබුණේ ඔබේ ගෙදර පරිසරයෙනි.

මෙතැන් සිට ඔබේ දරුවාගේ ජීවිතයට අලුත් ආදරණීයයන් පිරිසක් එක්වෙයි. ඔවුන් සමග දෙවැනි සංවර්ධන අවධිය පාසල තුළින් අරඹන ඔබේ දරුවාගේ අනාගතය සුරක්ෂිත කරන්නට රටේ අධ්‍යාපන පද්ධතිය නිවැරදි දිශානතියක ගමන් කරවීම යුගයේ අවශ්‍යතාවයයි. ඒ සඳහා අවැසි සවිය, සහයෝගය මෙන් ම නිවැරදි තීන්දු තීරණ රටේ අධ්‍යාපන පද්ධතිය හරහා සවිබල ගැන්වීමට හැකි නිසි මගපෙන්වීම ලබාදීමේ වගකීම අධ්‍යාපන විෂය භාර අමාත්‍යවරයා සතුව පවතියි.

Read more ...

papermarking

අ.පො.ස. (සා.පෙළ) විභාගය - 2019- ඇගයීම් මධ්‍යස්ථාන ලෙස යොදවා ගන්නා පාසල් වසා තැබීම (11 අදියර)

2019 අ.පො.ස. (සා.පෙළ) විභාගයේ දෙවන අදියරේ ඇගයීම් කටයුතු 2020.01.18 දින සිට 2020.01.26 දක්වා සිදු කිරීමට නියමිතව ඇත.

මෙහි ඇමුණුමේ සඳහන් ඇගයීම් මධ්‍යස්ථාන ලෙස යොදවා ගනු ලබන පාසල් 27 න්, පාසල් 03 ක් ඇගයීම් කාලය තුළ දී සම්පූර්ණයෙන් වසා තබන අතර පාසල් 24 ක් කොටසක් පමණක් වසා ඇගයීම් කටයුතු සිදු කරනු ලැබේ.

prin1

“ගුණාත්මක අධ්‍යාපනයක් වෙනුවෙන් වගකීම් ඉටු කරමු ” - අධ්‍යාපන අමාත්‍ය ඩලස් අලහප්පෙරුම වසර එකහමාරකට පසු ජාතික පාසල් විදුහල්පතිවරුන් සහ අධ්‍යාපන ඇමති අතර පැවති හමුවේ දී ...

තමා අධ්‍යාපන අමාත්‍ය ධුරයට පත්ව තවමත් ගතව ඇත්තේ දින 46ක් වැනි කෙටි කාලයක් පමණක් බවත්, මෙරට අධ්‍යාපන ක්ෂේත්‍රයේ අවුරුදු දශකයටත් වැඩි කාලයක් තිස්සේ විසඳී නොමැති ගැටළු රැසක් පවතින බව මේ කෙටි කාලය තුළ තමාට හඳුනාගන්නට හැකි වු බවත්, ඉදිරියේ දී සියලු පාර්හවයන්හි සහයෝගයෙන් එම ගැටළුවලට ස්ථාවර විසඳුම් සෙවීම තම අපේක්ෂාව බවත් අධ්‍යාපන අමාත්‍ය ඩලස් අලහප්පෙරුම මහතා සඳහන් කරයි.

Read more ...

su e

සුරක්ෂා සිසු රක්ෂණ දීමනාව දිගටම ක්‍රියාත්මකයි

රජයේ සියලු පාසල්, පිරිවෙන්, පෞද්ගලික පාසල් මෙන් ම ජාත්‍යන්තර පාසල්වල සිසුන්ටද ප්‍රතිලාභ හිමිවන අයුරින් ක්‍රියාත්මක වන සුරක්ෂා සිසු රක්ෂණ වැඩසටහන අත්හිටුවා නැති බව ද, රටේ දරුවන්ගේ යහපත වෙනුවෙන් ආරම්භ කළ වැඩසටහන් පටු දේශපාලන අරමුණුවලින් බැහැර ව අගය කරන අතර, එහි ගැටළු, අක්‍රමිකතා ඇති තැන් වෙතොත් ඒවා ද නිවැරදි කර, ඉදිරියටත් ක්‍රියාවට නැංවීමට නොපැකිළ ව සූදානම් බව ද අධ්‍යාපන අමාත්‍ය ඩලස් අලහප්පෙරුම මහතා සඳහන් කරයි.

සුරක්ෂා සිසු රක්ෂණ ඉල්ලීම් අදාළ රක්ෂණ ආයතනය විසින් ආපසු හරවා එවන බවට ඇතැම් මාධ්‍යවල පළ ව තිබූ ප්‍රවෘත්තීන් කෙරෙහි අවධානය යොමු කරමින් අමාත්‍යවරයා මේ අදහස් පළ කළේය. අධ්‍යාපන අමාත්‍යාංශයේ පාසල් සෞඛ්‍ය හා පෝෂණ ශාඛාවේ සම්බන්ධීකරණයෙන් මෙම වැඩපිළිවෙළ ක්‍රියාවට නැංවෙන අතර, සුරක්ෂා සිසු රක්ෂණය සම්බන්ධ විමසීම්,අදහස් හෝ පැමිණිලි වෙතොත් පහත දුරකථන ඔස්සේ 0112784163 සහ 0112784872 අංකය අමතා එම ශාඛාව සමග සම්බන්ධ වීමට ද අවස්ථාව සලසා දී තිබේ.

Read more ...

uni vou

2020 වසරට සියලු පාසල් දරුවන්ට නිල ඇඳුම් තිළිණපත් බෙදා හැර අවසන්... හඳුනාගත් පාසල් සිසුන් හත්ලක්ෂයකට ඒ හා සමගාමී ව පාවහන් තිළිණපත්

2020 වසර වෙනුවෙන් රජයේ සියලු පාසල් සහ පිරිවෙන් සිසුන් වෙත නිල ඇඳුම් තිළිණපත් බෙදාහැරීමේ කටයුතු මේ වනවිට අවසන් කර තිබේ. ඒ අනුව හෙට (08) සිට දිවයින පුරා සියලු පාසල් වෙතින් සිසුදරුවන්ට මෙම තිළිණ පත් ලබාගැනීමේ අවස්ථාව සැලසෙනු ඇත.

මෙම වර්ෂයේ පාසල් නිල ඇඳුම් සඳහා රජය වැය කර ඇති මුදල රුපියල් මිලියන 2900ක් වන අතර, කාණ්ඩ 11කින් සමන්විත ව මෙවර නිල ඇඳුම් තිළිණපත් මුද්‍රණය කර තිබේ. රුපියල් 440/, 525/, 580/, 645/, 730/, 745/, 795/, 850/, 1,065/, 1,375/, 1,800/ වශයෙන් සිසුන්ගේ ශ්‍රේණි මට්ටම් අනුව තිළිණපත් වටිනාකම තීරණය කර ඇත. තිළිණපත් මිලියන 4.2ක් 2020 වර්ෂය සඳහා මුද්‍රණය කර ඇති අතර දීපව්‍යාප්ත සියලු පාසල් දරුවන් වෙනුවෙන් එම තිළිණ පත් ලබාදීමට පියවර ගැනේ.

Read more ...

cou

ප්‍රමාද ව පැවති ශිෂ්‍ය උපදේශන ගුරුවරුන් බඳවාගැනීමට අදාළ සම්මුඛ පරීක්ෂණ අද සිට...

ශිෂ්‍ය උපදේශන කාර්යය සඳහා නවක ගුරු පත්වීම් ලබාගැනීමට අපේක්ෂා කරන උපාධිධාරීන් 1327දෙනෙකුට අදාළ අවසන් වටයේ සම්මුඛ පරීක්ෂණ අද (06) සිට පැවැත්වීමට අධ්‍යාපන අමාත්‍යාංශය විසින් පියවර ගෙන ඇත. මේ අනුව සබරගමුව සහ වයඹ පළාත් සභා සඳහා මෙන් ම දිවයින පුරා පිහිටි ජාතික පාසල් වෙත මෙසේ බඳවාගන්නා නවක උපදේශන ගුරුවරුන් ස්ථානගත කිරීමට අපේක්ෂිතයි.

ශිෂ්‍ය උපදේශනය පාසල් මට්ටමින් සක්‍රීය ව පවත්වාගෙන යාම කාලීන අවශ්‍යතාවක් වන අතර,

Read more ...

j 1st

වැඩ කරන රට නුවණින් හැඩ කරමු

2020 නව වසරේ අධ්‍යාපන අමාත්‍යාංශයේ රාජකාරී ආරම්භ කිරීමේ නිල අවස්ථාව අධ්‍යාපන, ක්‍රීඩා හා යෞවන කටයුතු අමාත්‍ය ඩලස් අලහප්පෙරුම මහතාගේ ප්‍රධානත්වයෙන් බත්තරමුල්ල, ඉසුරුපාය අධ්‍යාපන අමාත්‍යාංශ පර්ශ්‍රයේ දී අද පෙරවරුවේදී සිදු කෙරිණි.

අධ්‍යාපන අමාත්‍යාංශයේ ලේකම් එන්.එච්.එම්. චිත්‍රානන්ද මහතා ඇතුළු ජ්‍යෙෂ්ඨ නිළධාරින්ගේ සහභාගීත්වයෙන් පැවති මෙම අවස්ථාවට එක්ව සිටි සේවක සේවිකාවන් ඇමතු අමාත්‍යවරයා කියා සිටියේ, රටට නිවැරදි, නිරහංකාර, නිර්භීත, නායකත්වයක් ලැබී ඇති මේ මොහොතේ 2020 වර්ෂය ජාතියේ හැරවුම් ලකුණක් බවට පත්කරගනිමින්, ශ්‍රී ලංකාව විශ්වයේ නව සලකුණක් ලෙස සටහන් කිරීමට අධිෂ්ඨානශීලිව කැපවෙමු යන්නයි.

“ මිලියන 20කට වඩා වැඩි අපේ රටේ ජනගහනයෙන්, ලක්ෂ 46ක් පාසල් දරුවන්, දෙමව්පියන් ලක්ෂ 60 ගණනක්, ගුරුවරු දෙලක්ෂ හතළිස් දහසක් කාර්ය මණ්ඩල මේ සියල්ලගේම එකතුව මිලියන 12කට ආසන්නයි. රටේ මුළු ජනගහනයෙන් 60%ක් සෘජුවම හා ඉතාම සංවේදී ව ඉසුරුපාය සමඟ සම්බන්ධයි. ඉසුරුපායට තිබෙන වගකීම තේරුම් ගැනීමට මේ හොඳටම ප්‍රමාණවත් බව මගේ විශ්වාසයයි.” යනුවෙන් රැස්ව සිටි පිරිස අමතමින් අමාත්‍යවරයා වැඩිදුරටත් කියා සිටියේය.

Read more ...