Latest News

inves

මැතිවරණ නීති හා ආණ්ඩුක්‍රම ව්‍යවස්ථාව උල්ලංඝණය කරමින් පාසල්වලට දරුවන් ඇතුළත් කිරීම් සම්බන්ධ කඩිනමින් වාර්තාවක් ලබාදෙන ලෙස අධ්‍යාපන අමාත්‍යවරයාගෙන් නියෝගයක්

ඔක්තෝබර් 07 දින සිට නොවැම්බර් 26 දින දක්වා කාලය තුළ මැතිවරණ නීති හා ආණ්ඩුක්‍රම ව්‍යවස්ථාව උල්ලංඝණය කරමින් පාසල්වලට දරුවන් ඇතුළත් කිරීමට (1 ශ්‍රේණියේ සිට 12 ශ්‍රේණිය දක්වා) අදාළ ව නීති විරෝධී ව නිකුත් කරන ලද ලිපි 427ක් සම්බන්ධ තොරතුරු අනාවරණය වී තිබේ.

ඇතැම් ලිපිවල අමාත්‍යාංශ ලේකම්වරුන්ගේ ව්‍යාජ අත්සන් යොදා ඇති බව ද මේ වනවිට හෙළි වී ඇත. ඒ අනුව, මේ පිළිබඳ කඩිනමින් විමර්ශනය කර, සති තුනක් ඇතුළත තමා වෙත වාර්තාවක් ලබාදෙන ලෙස අධ්‍යාපන අමාත්‍ය ඩලස් අලහප්පෙරුම මහතා විසින් අමාත්‍යාංශයේ විශේෂ විමර්ශන නිලධාරීන් වෙත නියෝග කර ඇත.

pub

2020 වසර සඳහා නියමිත පෙළ පොත් පළමු පාසල් වාරයේ පළමු දිනම දරුවන්ට ලබාදීමට කටයුතු කරන්න...”- අධ්‍යාපන ප්‍රකාශන කොමසාරිස් ජනරාල්වරයාගෙන් පාසල් ප්‍රධානීන්ට උපදෙස්

2020 වර්ෂය සඳහා මුද්‍රණය කරනු ලැබූ පාසල් පෙළ පොත්, සිසුන් 1500ට වැඩි සියලු පාසල්වලට අධ්‍යාපන අමාත්‍යාංශය විසින් මේ වනවිට සෘජුව ම බෙදා දී ඇති බවත්, අනෙකුත් සියලු පාසල් සඳහා අදාළ පෙළපොත් කොට්ඨාස අධ්‍යාපන කාර්යාල සහ පර්ෂද පාසල් මධ්‍යස්ථානවලට ලබා දී ඇති බවත් අධ්‍යාපන ප්‍රකාශන දෙපාර්තමේන්තුව සඳහන් කරයි.

එහෙත් සිසුන් 1500ට අඩු, අමාත්‍යාංශය විසින් සෘජුව පෙළ පොත් ලබා දී නොමැති පාසල් මේ දක්වා සියලු ම පෙළපොත් දරුවන් වෙත ලබා දී නැති බවත්, කොට්ඨාස අධ්‍යාපන කාර්යාල සහ පර්ෂද පාසල් මධ්‍යස්ථානවලින් තම පාසලට අදාළ සියලු ම පෙළපොත් රැගෙන ගොස් නැතිබව ද අනාවරණය වී තිබේ.

Read more ...

ol exam

“සාමාන්‍ය පෙළ විභාගය පවත්වන කිසිම විභාග මධ්‍යස්ථානයක කිසිදු දරුවෙකුට අපහසුවක්, පීඩාවක් හෝ බාධාවක් සිදු වී නැහැ” - අධ්‍යාපන තරුණ කටයුතු හා ක්‍රීඩා අමාත්‍ය ඩලස් අලහප්පෙරුම

මෙවර සාමාන්‍ය පෙළ විභාගයට පෙනී සිටින කිසිදු දරුවෙකුට කිසිම විභාග මධ්‍යස්ථානයක දී අපහසුවක්, පීඩාවක් හෝ බාධාවක් සිදුව නැති බවත්, එවැනි බාධා සිදු ව ඇති බවට අසත්‍ය තොරතුරු හුවා දක්වමින්  හුදෙක් දේශපාලන වාසි ලබාගැනීම වෙනුවෙන් විභාගය සහ රටේ දරුවන් ඈඳාගන්නට දරන උත්සාහය  බුද්ධිමත් ජනතාව ප්‍රතික්ෂේප කරනු ඇති බව ද අධ්‍යාපන, තරුණ කටයුතු සහ ක්‍රීඩා  අමාත්‍ය ඩලස් අලහප්පෙරුම මහතා සඳහන් කරයි.

සිසුදරුවන් හත්ලක්ෂ දාහත්දහස් අට දෙනෙක් (7,17008) පෙනී සිටින මෙවර සාමාන්‍ය පෙළ විභාගය ආරම්භ වී මේ වනවිට දින දෙකක් ගත ව ඇති බවත්,

Read more ...

min

සාමාන්‍ය පෙළ විභාගයට පෙනී සිටින සියලු දරුවන්ට උණුසුම් සුබපැතුම් - ගරු අධ්‍යාපන අමාත්‍ය ඩලස් අලහප්පෙරුම මහතා

අද දින ජීවිතයේ තීරණාත්මක අභියෝගයකට මුහුණ දෙන හත්ලක්ෂයකට අධික (7,17008) ආදරණීය දරුවන් වෙත ශක්තිය, ධෛර්යය සහ ආත්ම විශ්වාසය වැඩිවැඩියෙන් ලැබේවා!යි යන්න අද දවසේ දී සමස්ත ශ්‍රී ලාංකේය ජාතියේ ම ප්‍රාර්ථනය විය යුතුය.

වසර දහයක (10) අඛණ්ඩ කැපකිරීමක් අවසානයේ හමුවන පළමු අභියෝගය හමුවේ අතිවිශිෂ්ට ජයග්‍රහණයක් සෑම දියණියකට ම, සෑම පුතණුවෙකුට ම ලැබේවා!යි ඔබ සැම වෙනුවෙන් වූ මාගේ ප්‍රාර්ථනාව අමාත්‍යවරයා අභිබවා ගිය සෙනෙහෙබර පියෙකුගේ ප්‍රාර්ථනාවකි.

Read more ...

car

අටවන ICF කැරම් තරගාවලියට සහභාගී වන ශ්‍රී ලංකා නියෝජිතයන්ට අධ්‍යාපන, ක්‍රීඩා හා තරුණ කටයුතු අමාත්‍යතුමන්ගෙන් සුබපැතුම්

අටවන ICF කැරම් තරගාවලිය දෙසැම්බර් 02 වෙනිදා සිට 06 වෙනිදා දක්වා ඉන්දියාවේ පූනි හිදී පැවැත්වීමට කටයුතු යොදා තිබේ. මෙම තරගාවලියට ශ්‍රී ලංකාව නියෝජනය කරමින් සහභාගී වන තරගකරුවන් පසුගිය දා (29) අධ්‍යාපන, ක්‍රීඩා හා තරුණ කටයුතු අමාත්‍ය ඩලස් අලහප්පෙරුම මහතා හමුවූ අතර එහි දී අමාත්‍යවරයා එම නියෝජිත පිරිසට සිය සුබපැතුම් පළ කළේය.

මෙවර තරගාවලිය සදහා රටවල් 18 ක් සහභාගී වන අතර, තරගකරුවන් කේවල, කණ්ඩායම්, යුගල, ස්විස්ලීග් ලෙස ඉසව් 4 ක් යටතේ තරග වැදීමට නියමිතයි.

Read more ...

su e

“සුරක්ෂා” රක්ෂණය රක්ෂිතයි - ගරු අධ්‍යාපන අමාත්‍ය ඩලස් අලහප්පෙරුම මැතිතුම‍ාගේ ප්‍රකාශය

මිලියන හතරකට (4) අධික පාසල් දරුවන් සඳහා ක්‍රියාත්මක වූ සුරක්ෂා රක්ෂණය අහෝසි කිරීම සඳහා ආණ්ඩුව තීරණය කොට ඇතැයි අද (29) දින ඇතැම් ජනමාධ්‍යවල ද ඇතැම් සමාජ මාධ්‍ය ජාලා තුළ ද පළ වී ඇති වාර්තා මුළුමනින්ම සත්‍යයෙන් හා වගකීමෙන් තොර බව අවධාරණය කරන්නෙමි.

මෑත කාලීනව ශ්‍රී ලංකාවේ ශිෂ්‍ය ප්‍රජාව වෙනුවෙන් ක්‍රියාත්මක වූ වැදගත් ව්‍යාපෘතියක් ලෙස සුරක්ෂා රක්ෂණය හැඳින්වීමට මා කිසිවිටෙක නොපැකිළෙමි. අමාත්‍යධුරයේ වගකීම් භාරගත් මොහොතේ ජනමාධ්‍ය හමුවේ ද මම එය අවධාරණය කළෙමි.

Read more ...

new sec 1

අධ්‍යාපන අමාත්‍යාංශයේ නව ලේකම් ධුරයට එන්. එච්. එම්. චිත්‍රානන්ද මහතා පත්වෙයි

අධ්‍යාපන අමාත්‍යාංශයේ නව ලේකම් ධුරයට පත්කරන ලද එන්. එච්. එම්. චිත්‍රානන්ද මහතා අද (28) පෙරවරුවේ සිය ධුරයෙහි වැඩ භාරගැනීම අධ්‍යාපන අමාත්‍යාංශ ලේකම් කාර්යාලයේ දී ආගමික චාරිත්‍රවලට මුල් තැන දෙමින් සිදුකරනු ලැබිණි.

අතිගරු ජනාධිපති ගෝඨාභය රාජපක්ෂ මැතිතුමන්ගේ රට සංවර්ධනය කිරීමේ ප්‍රතිපත්තිමය දැක්ම සාක්ෂාත් කිරීමට නිලධාරීන් වශයෙන් විශාල වගකීමක් පැවරෙන බැවින් එම වගකීම ඉටු කිරීමට මින් පෙර අධ්‍යාපන අමාත්‍යාංශයේ තමා සේවය කළ අවස්ථාවේ දී ලබාදුන් පරිද්දෙන් ම සියලු දෙනාගේ සහාය තමා වෙත ලබාදෙන ලෙස ලේකම්වරයා අමාත්‍යාංශ නිලධාරීන්ගෙන් ඉල්ලීමක් ද කළේය. මේ රටේ දෙමව්පියන් සතුටු කළ හැකිවන්නේ අධ්‍යාපනය තුළින් දරුවන්ගේ අභිවෘද්ධිය සකස් කරදීමෙන් පමණක් බව ද නව ලේකම් වරයා මෙහි දී පැවසීය.

Read more ...

prevent dengue

“තෙවන පාසල් වාරය අවසන් වන දින හා 2020 පළමු පාසල් වාරය ආරම්භ වීමට පෙර සියලු පාසල්වල ඩෙංගු මදුරුවන්ගෙන් තොර සුරක්ෂිත පරිසරයක් පවත්වාගැනීමට පියවර ගන්න” - අධ්‍යාපන අමාත්‍යාංශයෙන් පාසල් ප්‍රධානීන්ට උපදෙස්...

දිවයින පුරා මේ දිනවල ඩෙංගු රෝගය ව්‍යාප්ත වීමේ අවදානමක් පවතින බැවින් තෙවැනි පාසල් වාරය අවසන් වන දින හා 2020 පළමු පාසල් වාරය ආරම්භවීමට පෙර දෙමව්පියන් සම්බන්ධ කරගනිමින් පාසල් පරිශ්‍රයන් පිරිසිදු කර ඩෙංගු මදුරුවන්ගෙන් තොර සුරක්ෂිත පරිසරයක් පවත්වාගැනීම‍ට කටයුතු කරන ලෙස අධ්‍යාපන අමාත්‍යාංශය සියලු පාසල් ප්‍රධානීන්ගෙන් ඉල්ලා සිටියි.

එළඹෙන දෙසැම්බර් මාසයේ පැවැත්වෙන අ.පො. ස සාමාන්‍ය පෙළ විභාගයට පෙනී සිටින සිසුදරුවන්ගේ ආරක්ෂාව උදෙසා විභාගය පැවැත්වීමට පෙර පහසු දිනයක දී හා විභාගය පැවැත්වෙන කාලසීමාව තුළ විභාගයට බාධා නොවන පරිදි ඉරිදා දිනයක දී සෞඛ්‍ය වෛද්‍ය නිලධාරීන් සමග සාකච්ඡා කර ධුමායන කටයුතු සිදුකරගැනීමට කටයුතු කරන ලෙසත්, විභාගයට පෙර පාසල තුළ ආරක්ෂාකාරී පරිසරයක් පවත්නා බව තහවුරු කරගන්නා ලෙසත් අධ්‍යාපන අමාත්‍යාංශය දැනුම් දෙයි.

Read more ...

uniform

“ලබන පාසල් වාරය ආරම්භයේ දී සියලු පාසල් දරුවන්ට නිල ඇඳුම් ලබාදීමට පියවර ගන්නවා” - අධ්‍යාපන අමාත්‍ය ඩලස් අලහප්පෙරුම

2019 පාසල් වාරය තව දින තුනකින් (03) නිමාවට පත්වීමට නියමිත ය. එහෙත් 2020 වසර වෙනුවෙන් නියමිත නිල ඇඳුම් දරුවන්ට ලබාදීම සඳහා ඊට පෙර පියවර නොගැනීම කණගාටුවට කරුණකි. එහි සම්පූර්ණ වගකීම අධ්‍යාපන අමාත්‍යාංශය භාරගත යුතු වේ.

පසුගිය රජය විසින් පාසල් සිසුන්ට නිල ඇඳුම් රෙදි වෙනුවට වවුචරපත් ලබාදීමට ගෙන ඇති ක්‍රියාමාර්ගය තුළ රජයට වැඩි පිරිවැයක් දැරීමට සිදුවන බවට ජනාධිපති විමර්ශන කොමිසම වෙත පැමිණිලි ඉදිරිපත් ව තිබූ අතර, ඒ අනුව ඊළඟ වර්ෂවල දී නිල ඇඳුම් වෙනුවට වවුචර පත් ලබාදෙන්නේ ද, රෙදි ලබාදෙන්නේ ද යන්න පිළිබඳ තීරණයක් ලැබී නොතිබිණි. මේ හේතුවෙන් 2020 වර්ෂය සඳහා පසුගිය වර්ෂයේ පැවති මිළගණන් යටතේ ම නිල ඇඳුම් සඳහා වවුචරපත් ලබාදීමට අදාළ ව පසුගිය අමාත්‍ය මණ්ඩලයට සංදේශයක් ඉදිරිපත් කර ඇතත් ඒ සඳහා තීරණයක් ලබා දී නොමැත.

Read more ...

holiday

තෙවැනි පාසල් වාරය නොවැම්බර් 29 වැනිදායින් අවසන්...

2020 නව පාසල් වාරය ජනවාරි 02 වැනි දා ඇරඹෙයි.

රජයේ හා රජයේ අනුමත පෞද්ගලික පාසල්වල 2019 වර්ෂයේ තෙවැනි පාසල් වාරය 2019-11-29 වැනි සිකුරාදායින් අවසන් වෙයි.

2020 වර්ෂයේ පළමු පාසල් වාරය 2020-01-02 වැනි බ්‍රහස්පතින්දා ආරම්භ වේ.