දෙමළ පාසල් ශාඛාව

මුස්ලිම් පාසල් සංවර්ධන ශාඛාව

දැක්ම

මුස්ලිම් ආගමික සංස්කෘතික සාරධර්ම අන්‍යනතාවකින් යුත් සිසු පිරිසකට නිපුණතා සංවර්ධනයක් ලබා දීම තුළින් සමස්ත අධ්‍යාපන ඉලක්ක කරා ළඟා වීම සඳහා දායකත්වය ලබා දීම

මෙහෙවර ප්‍රකාශය

රටේ  අනාගතය වන වර්තමාන  දරු  පරපුරේ දැනුම, කුසලතා, ආකල්ප  සහ නිපුණතා වර්ධනය කරමින් අධ්‍යාපන ගුණාත්මක සංවර්ධනය තුළින් රටේ සංවර්ධන කාර්යයට  මුස්ලිම් ප්‍රජාව දායක වීම

ශාඛාවේ කාර්යයන්

• මුස්ලිම් පාසල් කාල සටහන් සකස්කිරීම
• මුස්ලිම් පාසල්වල අධ්‍යාපන කළමනාකරණ තොරතුරු යාවත්කාලීන කිරීම
• මුස්ලිම් පාසල්වල අධ්‍යයන කාර්ය මණ්ඩල පුහුණු කිරීම
• මුස්ලිම් පාසල්වලට ඉගෙනුම් උපකරණ ලබා දීම
• අති දුෂ්කර මුස්ලිම් පාසල් නඟා සිටුවීම
• අඛණ්ඩ පාසල් ඇගයීම් වැඩසටහන් සකස් කර ක්‍රියාත්මක කිරිම
• මුස්ලිම් පාසල් විදුහල්පතිවරුන්ගේ කාර්යක්ෂම කළමනාකරණය තුළින් කුසලතා සංවර්ධනය කිරීම
• උතුරු නැගෙනහිර පළාත්වල මුස්ලිම් පාසල් නැවත ස්ථාපිත කිරීමට සහායවීම
• ජාතික මිලාද්-නබි (මොහොමද් නබිතුමාගේ උපන්දිනය) උත්සවය පාසල් මට්ටමින් පැවැත්වීම
• අරාබි භාෂාව පාසල් ළමුන් අතර ප්‍රචලිත කිරීමට කටයුතු සංවිධානය කිරීම
• පාසල් යන වයසේ පසුවුව ද විවිධ හේතූන් මත පාසල් හැර යන මුස්ලිම් ගැහැණු ළමයි නැවත පාසල් ගතකිරීම තුළින් ඔවුන්ට අවශ්‍ය නිසි අධ්‍යාපනය ලබාදීම

නිලධාරී ලේඛනය

විදේශ ආයතන හා විදේශ කටයුතු ශාඛාව

දැක්ම

ජාත්‍යන්තරයෙන් උකහා ගත හැකි සියලු යහපත් අධ්‍යාපනික ක්‍රියාවලි තුළින් ක්ෂේත්‍රයේ වෘත්තිකයන් සංවර්ධනය කරා  ශ්‍රී ලාංකීය අනන්‍යතාවය රඳවමින්  ජාත්‍යන්තර සමාජය තුළ විශිෂ්ඨත්වය කරා එළඹීම

මෙහෙවර ප්‍රකාශය
ජාත්‍යන්තර අධ්‍යාපන නවීකරණයන් තුළින් මෙරට සාමාන්‍ය අධ්‍යාපන පද්ධතියේ වෘත්තිකයන් සංවර්ධනය පදනම් කරගත් විදේශ ක්‍රියාකාරකම් වෙත යොමු කොට එතුළින් ක්ෂේත්‍රය තුළ සමස්ථ වෘත්තීය සංවර්ධනයක් ඇති කර ජාත්‍යන්තර ප්‍රවනතාවන්ට සරිලන දක්ෂ පුරවැසියන් බිහිකිරීම

ශාඛාවේ කාර්යයන්

• ක්ෂේත්‍රයට සම්බන්ධ නිලධාරීන්ගේ නාම යෝජනා විදේශ පුහුණු / අධ්‍යයන හා රාජකාරීමය කටයුතු සඳහා  ඉදිරිපත් කිරීම
• ක්ෂේත්‍රයට සම්බන්ධ නිලධාරීන්ගේ රාජකාරීමය  විදේශ ගමන් (පුහුණු / අධ්‍යයන ද ඇතුළත්ව) සඳහා අභ්‍යන්තර පරිපාලනමය රාජකාරී
• විදේශ පුහුණු / අධ්‍යයන / රාජකාරී සඳහා නිලධාරීන් තෝරා ගැනීමට හා වැඩසටහන් සමාලෝචනයට දායක වීම
• විදේශ කටයුතු අමාත්‍යාංශයේ අවශ්‍යතා අනුව තොරතුරු සැපයීම සම්බන්ධීකරණය හා අදාළ රාජකාරී (ද්වි පාර්ශ්වික හා බහු පාර්ශ්වික ගිවිසුම් සම්බන්ධව)
• රාජකාරීමය විදේශ ගමන් යෙදෙන්නන්ගේ දත්ත පදනමක් පවත්වාගෙන යාම
• ක්ෂේත්‍රයට සම්බන්ධ විදේශිකයන්ගේ අවශ්‍යතාව අනුව වීසා ලබාදීම හා දීර්ඝ කිරීම සම්බන්ධ නිර්දේශ කිරීම

 
 නිලධාරී ලේඛනය

මානව සම්පත් සංවර්ධන ශාඛාව

දැක්ම
අධ්‍යාපන අමාත්‍යංශයේ පරමාර්ථ ප්‍රශස්ථ ආකාරයට ළගා කර ගැනීමට හැකිවන පරිදි සියලු මානව  සම්පත්වල නිපුණතාවන්ගේ ධාරිතාව සංවර්ධනය කිරීම

මෙහෙවර ප්‍රකාශය
පවත්නා මානව සම්පත්වල නිපුණතා හා ඌණතා අතර පරතරය හඳුනාගනිමින් දේශීය හා විදේශීය පුහුණු අවස්ථා ලබා දෙමින් මානව සම්පත් කළමනාකරණ මූලධර්ම හා විධිමත් සැලසුම් සහගත මානව සම්පත් සංවර්ධන ප්‍රතිපත්තියක් ගොඩ නගා ඒ අනුව අධ්‍යාපන පද්ධතියේ නිලධාරීන්, විදුහල්පතිවරු ඇතුළු සියලු මානව සම්පත්වල නිපුණතා ධාරිතාව වැඩි දියුණු කිරීමට අවශ්‍ය අධ්‍යයන, සැලසුම් හා මෙහෙයවීම් සිදු කිරීම

ශාඛාවේ කාර්යයන්

• අධ්‍යාපන අමාත්‍යාංශය සඳහා මානව සම්පත් සංවර්ධන සැලැස්ම සකස් කිරීම
• වාර්ෂික පුහුණු අවශ්‍යතා ගණනය කිරීම
• දේශීය හා විදේශීය පුහුණු වැඩසටහන් ක්‍රියාත්මක කිරීම
• පුහුණු හා සංවර්ධනයට අදාළ මානව සම්පත් තොරතුරු පද්ධතියක් සැකසීම හා යාවත්කාලීන කිරීම
• පුහුණු වැඩසටහන්වල ප්‍රතිපෝෂණ ක්‍රියාමාර්ග විශ්ලේෂණය කිරීම

නිලධාරී ලේඛනය