ත්‍රෛනිකායික මහා සංඝරත්නයේ අවවාද හා අනුශාසනා අනුව පිරිවෙන් නගා සිටුවීමේ විධිමත් වැඩ පිළිවෙලක් දියත් කරනවා - අධ්‍යාපන අමාත්‍ය අකිල විරාජ් කාරියවසම්

pi1දිවයින පුරා පිහිටි සියලුම පිරිවෙන්වල පහසුකම් වැඩි දියුණු කිරීම සඳහා අවශ්‍ය කටයුතු විධිමත් වැඩ පිළිවෙලක් ඔස්සේ සිදු කරන බව අධ්‍යාපන අමාත්‍ය අකිල විරාජ් කාරියවසම් මහතා පවසයි. ඒ සඳහා පිරිවෙන් පද්ධතිය පිළිබඳ නිවැරදි තොරතුරු අවශ්‍ය බව පෙන්වා දුන් අමාත්‍යවරයා තෛනිකායික මහා සංඝරත්නයේ අවවාද හා අනුශාසනා අනුව පිරිවෙන් නගා සිටුවීමේ වැඩ පිළිවෙල ක්‍රියාත්මක කරන බව ද සඳහන් කළේය. අමාත්‍යවරයා මේ බව සඳහන් කළේ ඊයේ (14) සවස පැවති පිරිවෙන් පරිවේණාචාර්යවරුන් 199 දෙනෙකු සඳහා පත්වීම් ලිපි ලබා දීමේ උත්සවයේ ප්‍රධාන ආරාධිතයා ලෙස එක්වෙමිනි.

pi2 pi3

පැවිදි පරිවේණාචාර්යවරුන් 122 දෙනෙකු සහ ගිහි පරිවේණාචාර්යවරුන් 77 දෙනෙකු මෙහිදී තමන්ට හිමි පත්වීම් ලිපි අමාත්‍යවරයා අතින් ලබාගත් අතර මෙම උත්සව අවස්ථාවට අතිරේක ලේකම් (අධ්‍යාපන ගුණාත්මක සංවර්ධන) මධුරා වේහැල්ල මහත්මිය, පිරිවෙන් අධ්‍යාපන අධ්‍යක්ෂ මහාචාර්ය පූජ්‍ය නාබිරිත්තන්කඩවර ඥානරතන ස්වාමීන් වහන්සේ ඇතුළු පැවිදි ගිහි පිරිසක් එක්ව සිටියහ.