Latest News

ncoe new

ජාතික අධ්‍යාපන විද්‍යාපීඨවල පහසුකම් පුළුල් කරමින් ප්‍රථමවරට එකවර සිසුන් 8,000ක් බඳවාගැනීම් සිදුකෙරේ

ජාතික අධ්‍යාපන විද්‍යාපීඨවලට ශික්ෂණ විද්‍යා ඩිප්ලෝමාව හැදෑරීම සඳහා 2016 සහ 2017 වර්ෂයන්හි උසස් පෙළ ප්‍රතිඵල මත කණ්ඩායම් දෙකක් යටතේ සිසුන් 8,000ක් බඳවාගැනීමට අධ්‍යාපන අමාත්‍ය, නීතීඥ අකිල විරාජ් කාරියවසම් මහතාගේ උපදෙස් අනුව පියවර ගෙන තිබේ.

ඒ අනුව දිවයින පුරා පිහිටි ජාතික අධ්‍යාපන විද්‍යාපීඨ 19ක් වෙත මෙම සිසුන් ඇතුළත් කරගැනීමේ කටයුතු ඔක්තෝබර් මස 3 වැනි දින සිට ආරම්භ කෙරිණි. නිට්ටඹුව සාරිපුත්ත, මඩකලපුව, අඩ්ඩාලච්චේන ජාතික අධ්‍යාපන විද්‍යාපීඨයට සිසුන් ඇතුළත් කරගැනී‍්‍ම ඔක්තෝබර් මස 03 වැනි දින සිදුකෙරුණු අතර, මහවැලි, සියනෑ, රුවන්පුර, සහ පේරාදෙනිය විද්‍යාපීඨ සදහා ඔක්තෝබර් 15 වැනි දින සිසුන් ඇතුළත් කරගන්නා ලදී. එමෙන් ම වව්නියා, යාපනය, දර්ගා ටවුන් සහ ශ්‍රී පාද ජාතික අධ්‍යාපන විද්‍යාපීඨ සඳහා ඔක්තෝබර් 16 දින  ද, මහරගම සහ ඌව ජාතික අධ්‍යාපන විද්‍යාපීඨ සඳහා ඔක්තෝබර් 17 දින ද  සිසුන් ඇතුළත් කරගන්නා ලදී.

Read more ...

13

13 වසරක සහතික කළ අධ්‍යාපන වැඩසටහනේ දෙවැනි අදියර යටතේ බඳවාගත් සිසුන් 288කට ආයතනික හා රැකියාගත පුහුණුව ලබාදීමට ආයතන 36ක් එක්වෙයි

දහතුන් වසරක සහතික කරන ලද අධ්‍යාපන වැඩසටහනෙහි දෙවැනි අදියර යටතේ උසස් පෙළ වෘත්තීය විෂය ධාරාව හැදෑරීම සඳහා බඳවාගත් සිසුන් 6,341ක් අතරින් මෙතෙක් ආයතනික හා රැකියාගත පුහුණුව සඳහා යොමු නොකළ සිසුන් 288ක් නිපුනතා ආංශික සංවර්ධන වැඩසටහන යටතේ ලියාපදිංචිය ලද රාජ්‍ය හා පෞද්ගලික වෘත්තීය පුහුණු ආයතන වෙත පුහුණුව සඳහා යොමු කිරීම සම්බන්ධ විශේෂ හමුවක් පසුගිය දා (15) අධ්‍යාපන අමාත්‍යාංශයේ දී පැවැත්විණි.

අධ්‍යාපන අමාත්‍ය, නීතීඥ අකිල විරාජ් කාරියවසම් මැතිතුමන්ගේ උපදෙස් මත නිපුනතා සංවර්ධන හා වෘත්තීය පුහුණු අමාත්‍යාංශය යටතේ ජාතික වෘත්තීය ප්‍රවීණතා සහතිකය (NVQ Level 4) ලබාදිය හැකි ESOFT, Don Bosco, Lanka Ashok Layland, Pebbles Academy, ඉදිකිරීම් කර්මාන්ත සංවර්ධන අධිකාරිය(CIDA), වයඹ සංවර්ධන අධිකාරිය ඇතුළු වෘත්තීය පුහුණු ආයතන 36ක ජ්‍යෙෂ්ඨ නිලධාරීන් සහ අධ්‍යාපන අමාත්‍යාංශයේ විෂය භාර ජ්‍යෙෂ්ඨ නිලධාරීන් අතර මෙම විශේෂ හමුව පැවැත්විණි.

Read more ...

ta

සිංහල සාහිත්‍යය පොත් දෙමළ භාෂාවටත් දෙමළ පොත් සිංහල භාෂාවටත් පරිවර්තනය කර ප්‍රකාශයට පත් කිරීමේ නව වැඩපිළිවෙලක්, - අධ්‍යාපන අමාත්‍ය නීතිඥ අකිල විරාජ් කාරියවසම්

සිංහල ලේඛකයන්ගේ සාහිත්‍ය කෘති දෙමළ භාෂාවට හා දෙමළ ලේඛකයන්ගේ කෘති සිංහල භාෂාවටත් පරිවර්තනය කොට පුස්තකාල හා ප්‍රලේඛන සේවා මණ්ඩලය මගින් ප්‍රකාශයට පත් කිරීමේ නව වැඩපිළිවෙලක් ආරම්භ කිරීමට තීරණය කරන ලද බව අධ්‍යාපන අමාත්‍ය නීතිඥ අකිල විරාජ් කාරියවසම් මහතා ප්‍රකාශ කරයි.

අමාත්‍යතුමා එසේ ප්‍රකාශ කළේ, ළඟම පාසල හොඳම පාසල ව්‍යාපෘතියේ අධ්‍යක්ෂ කන්දයියා පද්මනාදන් මහතා විසින් රචනා කරන ලද කාව්‍ය ග්‍රන්ථ දහයක් එළි දැක්විම නිමිත්තෙන් බම්බලපිටිය සරස්වතී ශාලාවේ දී ඉකුත් ඉරිදා (13) පැවැති උත්සවය අමතමිනි.

මෙරට දෙමළ ජනතාවට බෙහෙවින් කියවීමට ලැබී ඇත්තේ ඉන්දියානු කතුවරුන් ලියා මෙහි ආනයනය කරන ලද දෙමළ සාහිත්‍ය පොත් බව සඳහන් කළ අමාත්‍යවරයා ශ්‍රී ලාංකික දෙමළ ලේඛකයන්ගේ පොත් මෙහිම ප්‍රකාශයට පත් කිරීමෙන් මෙරට සංස්කෘතිය හා දේශීයත්වය අගයන සාහිත්‍ය කෘති රස විඳීමට දෙමළ ජනතාවට අවස්ථාව උදාවන බව පෙන්වා දුන්නේය.

Read more ...

su sin

සුරක්ෂා සිසු රක්ෂණාවරණයේ ප්‍රතිලාභ ගෙවීම් රුපියල් මිලියන 1,500 ඉක්මවයි

සුරක්ෂා සිසු රක්ෂණාවරණය මගින් මේ වනවිට සිසුන් 35,000කට රුපියල් මිලියන 1,588ක ප්‍රතිලාභ ලබා දී තිබේ. මේ අනුව, 2018 වසරේ දෙසැම්බර් 01 සිට 2019 නොවැම්බර් 30 දක්වා ප්‍රතිලාභ ලබාදීම වෙනුවෙන් අදාළ රක්ෂණ ආයතනය වෙත රජය විසින් වෙන් කරන ලද සමස්ත මූල්‍ය ප්‍රතිපාදනය ම සිසු දරුවන් වෙනුවෙන් ලබාදීමට හැකිවනු ඇත.

මව්පිය අහිමිවීමක දී සිසුදරුවන්ගේ අධ්‍යාපනය අඩාලවීමට ඉඩ නොතැබීමටත්, අසාධ්‍ය රෝග, හදිසි අනතුරු අවස්ථා මෙන් ම දරුවන්ගේ සෞඛ්‍යාරක්ෂාව වෙනුවෙන් තීන්දු තීරණ ගැනීමට සිදුවන ඕනෑම අවස්ථාවක දී ඒ සඳහා ශක්තිමත් ව මුහුණදීමටත් සුරක්ෂා සිසු රක්ෂණාවරණය මගින් සුවිසල් පිටුබලයක් සැලසෙන අතර මෙම ගෙවීම් තුළ පුද්ගල මරණ සම්බන්ධ ව සිදුකරන ලද ඉල්ලීම් 4,800ක් ඇතුළත්ය.

Read more ...

kan1

135 වැනි කන්නන්ගර ගුණ සමරුව නිමිත්තෙන් කන්නන්ගර පිළිරුවට පුෂ්පෝපහාර

2019 ඔක්තෝබර් මස 13 දිනට යෙදෙන ආචාර්ය සී ඩබ්ලිව් ඩබ්ලිව් කන්නන්ගර මැතිතුමන්ගේ 135 වැනි ජන්ම දින සමරුව නිමිත්තෙන් පුෂ්පෝපහාර ප්‍රදානය ඊයේ (13) අධ්‍යාපන අමාත්‍යාංශයේ ලේකම් නිහාල් රණසිංහ මහතාගේ සහ අධ්‍යාපන රාජ්‍ය ලේකම් තිස්ස හේවාවිතාන මහතා ඇතුළු අධ්‍යාපන අමාත්‍යාංශ ජ්‍යෙෂ්ඨ නිලධාරීන්ගේ ප්‍රධානත්වයෙන් ඉසුරුපාය, අධ්‍යාපන අමාත්‍යාංශ පරිශ්‍රයෙහි පිහිටි කන්නන්ගර පිළිරුව අබියස දී සිදුකෙරුණි.

Read more ...

school-children-vector-5127743

කුලියාපිටිය සාරානාත් විද්‍යාලය ඇතුළු තවත් පළාත් පාසල් 7ක් ජාතික පාසල් බවට පත්කෙරෙයි

කුලියාපිටිය සාරානාත් විද්‍යාලය ජාතික පාසලක් බවට පත්කිරීමට අධ්‍යාපන අමාත්‍ය නීතිඥ අකිල විරාජ් කාරියවසම් මහතාගේ උපදෙස් අනුව පියවර ගෙන තිබේ.

මේ හා සමගාමී ව පොළොන්නරුව දිස්ත්‍රික්කයේ දිඹුලාගල, විලයාය මධ්‍ය මහා විද්‍යාලය, තෝපාවැව මහා විද්‍යාලය, දිවුලන්කඩවල මධ්‍ය මහා විද්‍යාලය, බකමූණ මහසෙන් මහා විද්‍යාලය, පොළොන්නරුව මුස්ලිම් මධ්‍ය මහා විද්‍යාලය සහ අම්පාර උහන මහා විද්‍යාලය ද , ගම්පහ හේනේගම මධ්‍ය මහා විද්‍යාලය ද ජාතික පාසල් බවට පත්කිරීමට ද පියවර ගෙන ඇත.

Read more ...

iamfit

පාසල් සිසුන්ගේ ඉංග්‍රීසි අධ්‍යාපනය ඉහළ නැංවීමට සහ සෞඛ්‍යාරක්ෂාව සම්බන්ධව සිසුන් බලගැන්වීම වෙනුවෙන් අවබෝධතා ගිවිසුමක්

මෙරට පාසල් දරුවන්ගේ ඉංග්‍රීසි අධ්‍යාපනය වැඩිදියුණු කිරීම සහ නිවැරදි සෞඛ්‍ය පුරුදු තුළින් යහපත් කායික මානසික සමබරතාවක් දරුවන්ට අත්පත්කරදීම වෙනුවෙන් අනුග්‍රාහකත්වය දැක්වීමේ අවබෝධතා ගිවිසුමක් අත්සන් තැබීම අද (11) අධ්‍යාපන අමාත්‍යාංශයේ දී සිදුකෙරුණි.

අධ්‍යාපන අමාත්‍යාංශයත් ජාතික ඉතිරිකිරීමේ බැංකුවත් අතර අත්සන් තැබුණු මෙම අවබෝධතා ගිවිසුම යටතේ 2020-2023 වර්ෂයන් තුළ මෙරට පාසල් දරුවන්ගේ ඉංග්‍රීසි භාෂා කුසලතා ඉහළ නැංවීම අරමුණු කරගනිමින් පෙළපොතට සීමා නොවූ ප්‍රායෝගික අත්දැකීම් සමඟ ඉංග්‍රීසි භාෂාව ඉගෙනීමට අවස්ථා සම්පාදනය කිරීම වෙනුවෙන් සැලසුම් කරන ලද English is simple ව්‍යාපෘතිය සහ ‍පාසල් සිසුන් අතර බෝ නොවන රෝග ප්‍රවණතාව අවම කරමින් නිරෝගී සෞඛ්‍ය සම්පන්න සිසු පරපුරක් බිහි කිරීම වෙනුවෙන් සැලසුම් කරන ලද I am Fit ව්‍යාපෘතිය ක්‍රියාවට නැංවීමට යෝජිතය.

Read more ...

y 1

ආසියානු ශාන්තිකර කලාපීය රුවල් ඔරු තරගාවලියේ ශ්‍රී ලංකා නියෝජිතයන්ට අධ්‍යාපන අමාත්‍යවරයාගෙන් සුබපැතුම්

ලෝකයේ රටවල් 22ක සහභාගීත්වයෙන් වාර්ෂික ව පැවැත්වෙන ආසියානු ශාන්තිකර කලාපීය රුවල් ඔරු තරගාවලිය (IODA) වෙනුවෙන් ශ්‍රී ලංකාව නියෝජනය කරමින් සහභාගී වූ ක්‍රීඩක ක්‍රීඩිකාවන් අද (11) අධ්‍යාපන අමාත්‍ය, නීතීඥ අකිල විරාජ් කාරියවසම් මහතා හමුවිය.

තරගාවලියේ Silver Fleet අංශයේ තුන්වැනි ස්ථානය දිනාගත්, දැනට ලංකාවේ බිහිව සිටින රුවල් ඔරු ජාතික ශූරතාව හිමි ශාන්ත තෝමස් විද්‍යාලයේ ධනික නානායක්කාර ප්‍රමුඛ ක්‍රීඩක ක්‍රීඩිකාවන් 10 දෙනෙකු මේ අවස්ථාවට එක්ව සිටි අතර අධ්‍යාපන අමාත්‍යවරයා ඔවුන් වෙත සිය සුබපැතුම් එක් කළේය.

Read more ...

guru

අනෙකුත් වෘත්තිකයන් බිහි කළ හැක්කේ ගුරුවරුන්ට පමණක් බැවින් ගුරු වෘත්තිය ලෝකයේ ශ්‍රේෂ්ඨතම වෘත්තියයි - අධ්‍යාපන අමාත්‍ය නීතිඥ අකිල විරාජ් කාරියවසම් මහතා

පෙර වර්ෂවල මෙන් නොව මෙවර පළාතක් පාසා ගොස් විද්‍යාත්මකව ක්‍රමයකට සිදු කරන ලද ඇගයීම් ක්‍රමවේදයකින් ප්‍රණාම පිරිනැමිමට සුදුසු ගුරු හා විදුහල්පතිවරුන් තෝරා ගැනීම නිසා හොඳම කණ්ඩායම බවට පත්වීම සම්බන්ධයෙන් ආඩම්බරවීමට පවා අවස්ථාව අද ප්‍රණාම ලබන ගුරු භවතුන්ට හිමිවිම ගැන අමාත්‍යවරයා සිය ප්‍රශංසාව පිරි නැමුවේය.

අමාත්‍යවරයා එසේ ප්‍රශංසා පිරිනැමුවේ ඔක්තෝබර් 05 වැනිදාට යෙදෙන ලෝක ගුරු දිනය වෙනුවෙන් වසරක් පාසා අධ්‍යාපන අමාත්‍යාංශය විසින් පවත්වනු ලබන ගුරු ප්‍රතිභා ප්‍රණාම උළෙල අද (04) දින අධ්‍යාපන අමාත්‍යාංශ ශ්‍රවණාගාරයේ දී පැවැති අවස්ථාවේදීය. මෙහිදී 2019 වසර වෙනුවෙන් පරිවේණාධිපතිවරුන් හා විදුහල්පතිවරුන් 110 දෙනෙකු සහ පරිවේණාචාර්යවරුන් හා ගුරුවරුන් 157 දෙනෙකු ඇගයීමට ලක් විය.

Read more ...

school

ජනාධිපතිවරණ නාම යෝජනා දින රාජගිරිය අවට පාසල් කිහිපයක් වසා තැබේ...

ජනාධිපතිවරණය සඳහා නාම යෝජනා බාර ගන්නා ලබන සඳුදා දින ( 2019.10.07) කොළඹ අධ්‍යාපන කලාපයට අයත් කොට්ඨාස 03 ක සියලු පාසල් හා ශ්‍රී ජයවර්ධනපුර අධ්‍යාපන කලාපයේ පාසල් 03 ක් වසා තැබේ.

ජනාධිපතිවරණයට නාම යෝජනා භාර ගන්නා දින ආරක්ෂක හේතු මත එදින පෙ.ව. 07.00 සිට ප.ව. 01.00 දක්වා රාජගිරිය සරණ මාවත ඇතුලු මාර්ග කීපයක් වසා තබා මැතිවරණ මහලේකම් කාර්යාලයට දේශපාලන පක්ෂ අපේක්ෂකයන් සමඟ පැමිණෙන පක්ෂ ක්‍රියාකාරීන් සඳහා රථවාහන නවතා තැබිමට රාජගිරිය මංසන්ධිය හා ඒ අවට වෙන් කෙරෙන බැවින්, එම ප්‍රදේශ ආශ්‍රිත පාසල් එදින වසා තබන ලෙස මැතිවරණ කොමිෂන් සභාවේ සභාපති මහින්ද දේශප්‍රිය මහතා ආධ්‍යාපන ලේකම් එම්.එන්. රණසිංහ මහතාගෙන් ඉල්ලීමක් කර ඇත.

Read more ...