Latest News

sch vacation

පළමු පාසල් නිවාඩුව අප්‍රේල් 28 තෙක් දීර්ඝ කෙරේ.

දෙවැනි පාසල් වාරය අප්‍රේල් 29 වැනි සඳුදායින් ඇරඹෙයි.

2019 වසරේ පළමු පාසල් වාර නිවාඩුව අප්‍රේල් මස 28 වැනි දින දක්වා දීර්ඝ කර ඇති අතර, ඒ අනුව දෙවැනි පාසල් වාරය සඳහා රජයේ සියලු පාසල් අප්‍රේල් මස 29 වැනි සඳුදා දින විවෘත කරන බව අධ්‍යාපන අමාත්‍ය අකිල විරාජ් කාරියවසම් මහතා පවසයි.

මේ අතර, දිවයිනේ සියලු ජාතික අධ්‍යාපන විද්‍යාපීඨවල ශික්ෂණලාභීන් මේ වනවිටත් නේවාසික ව අධ්‍යයන කටයුතුවල නිරත ව සිටින හෙයින්, ඔවුන් සඳහා වන විභාග කලින් දැනුම් දී ඇති පරිදි අප්‍රේල් මස 26 දින සිට පැවැත්වීමට කටයුතු යොදන ලෙස ද උපදෙස් ලබාදුන් බවයි, අධ්‍යාපන අමාත්‍යවරයා සඳහන් කළේ.

announcement

වි⁣ශේෂ මාධ්‍ය නිවේදනය

2019 වසරේ දෙවන පාසල් වාරය හෙට (22) දිනයේ ආරම්භ කිරීමට නියමිතව තිබුණද මේ වන විට රටේ මතුව ඇති තත්ත්වය හේතුවෙන් හෙට (22)  සහ අනිද්දා (23 ) දිවයිනේ සියලු පාසල් වසා තැබීමට තීරණය කළ  බව අධ්‍යාපන අමාත්‍ය අකිල විරාජ් කාරියවසම් මහතා නිවේදනය කර සිටිනවා.

holiday

2019 වර්ෂයේ දෙවන පාසල් වාරය ආරම්භ කිරීම

මුස්ලිම් පාසල් සඳහා දෙවන පාසල් වාරය ආරම්භය අප්‍රේල් මස 17වන බදාදා සිදුවන අතර 2019 වර්ෂයේ රජයේ හා රජයේ අනුමත සිංහල හා දෙමළ මාධ්‍ය පාසල්වල දෙවන පාසල් වාරය අප්‍රේල් මස 22 වන සඳුදායින් ආරම්භ වේ.

new

යුනෙස්කෝ සංවිධානයේ විධායක සභාව පැරිසියේ දී රැස්වෙයි.

ශ්‍රී ලංකා වෙනුවෙන් මෙරට යුනෙස්කෝ සභාපති සහ එහි විධායක කමිටු සාමාජික අධ්‍යාපන අමාත්‍ය අකිල විරාජ් කාරියවසම් මහතා එක්වෙයි

රජය අධ්‍යාපනයේ උන්නතිය වෙනුවෙන් ගෙන ඇති සාධනීය පියවර පිළිබඳ විධායක සභාවේ ප්‍රසාදය

Read more ...

scholarship

මින් ඉදිරියට ශිෂ්‍යත්වයට පෙනී සිටීම අනිවාර්ය නැහැ , චක්‍රලේඛය නිකුත් කළා - අධ්‍යාපන අමාත්‍ය අකිල විරාජ් කාරියවසම්

මින් ඉදිරියට දරුවන් 5 ශ්‍රේණි ශිෂ්‍යත්ව විභාගයට පෙනී සිටීම අනිවාර්ය නොවන බව අධ්‍යාපන අමාත්‍ය අකිල විරාජ් කාරියවසම් මහතා පවසයි

නියමිත ආදායම් සීමාවට වඩා අඩු ආදායම්ලාභී පවුල්වල ඉගෙනීමට දක්ෂ දරුවන්ට ශිෂ්‍යාධාර ලබාදීම සඳහාත්, පාසල් වල 6 ශ්‍රේණියට සිසුන් තෝරා ගැනීම සඳහාත් පස්වන ශ්‍රේණිය ශිෂ්‍යත්ව විභාගය පරීක්ෂණයක් වශයෙන් වාර්ෂිකව පවත්වනු ලබයි.

කෙසේ වෙතත් වර්තමානය වන විට එම මූලික අරමුණෙන් බැහැර වෙමින් ශිෂ්‍යත්ව විභාගය හරහා ශිෂ්‍ය විවිධත්වය සහ බුද්ධි වර්ධනයේ විෂමතාවන් නොසලකා හරිමින් කුඩා දරුවන්ගේ මනසට අහිතකර බලපෑම් ඇති කරවන අයුරින් කෘතීම සහ අනවශ්‍ය තරගකාරී බවක් නිර්මාණය කර තිබෙන බව ළමා මනෝ වෛද්‍ය විශේෂඥවරුන්ගේ සහ අධ්‍යාපනඥයින්ගේ මතය වී තිබේ.

Read more ...

milo

දහතුන් වසරක අඛණ්ඩ අධ්‍යාපනයෙන් පසු සිසුන්ට උසස් පෙළ හා NVQ සහතික දෙකක් පිරිනමනවා...

රැකියා ලෝකයට ගැලපෙන වෘත්තීය අධ්‍යාපනය ලබාදෙන දහතුන් වසරක අඛණ්ඩ අධ්‍යාපනය අවසන් කරන සිසු දරුවන්ට අධ්‍යයන පොදු සහතික පත්‍ර උසස් පෙළ සහතිකයට අමතරව ජාත්‍යන්තරව පිළිගන්නා NVQ සහතිකය ද පිරිනමන බව අධ්‍යාපන අමාත්‍ය අකිල විරාජ් කාරියවසම් මහතා ප්‍රකාශ කළා.

පාසල් අධ්‍යාපනයෙන් පසු වැඩ ලෝකයට පිවිසෙන දරුවාට, මෙම අධ්‍යාපන සහතික හිමිකරුවකු වන බැවින් රැකියා අපේක්ෂා කිරීමේ දී කිසිදු අඩුපාඩුවක් නොවන බව ද අමාත්‍යවරයා පෙන්වා දුන්නා.

කොළඔ බණ්ඩාරනායක අනුස්මරණ ජාත්‍යන්තර සම්මන්ත්‍රණ ශාලාවේ දී පසුගියදා (04)  පැවැති 2017 පාසල් ක්‍රීඩා වර්ණ ප්‍රදානෝත්සවය අමතමින් අමාත්‍යවරයා එම අදහස් පළ කළා.

Read more ...

min

ශිෂ්‍යත්ව විභාගය අහෝසි කිරීම ගම්බද සිසුන්ට අසාධාරණයක් නොවන ලෙස කළ යුතුයි.....

ශිෂ්‍යත්ව විභාගය අහෝසි කිරීම ගම්බද සිසුන්ට අසාධාරණයක් නොවන ලෙස කළ යුතු බව අධ්‍යාපන අමාත්‍ය අකිල විරාජ් කාරියවසම් මහතා පවසනවා.

අධ්‍යාපන අමාත්‍යංශයේ පැවති මාධ්‍ය හමුවක දී මාධ්‍යවේදීන් ඇසූ ප්‍රශ්නයකට පිළිතුරු දෙමින් අමාත්‍යතුමන් මේ බව සඳහන් කළා.

ශිෂ්‍යත්ව විභාගය සම්බන්ධයෙන් පත් කළ කමිටු වාර්තාව පැමිණි පසුව ඒ සම්බන්ධයෙන් තීරණයක් ගනු ලබන බවයි අධ්‍යාපන අමාත්‍ය අකිල විරාජ් කාරියවසම් මහතා මෙහිදී පෙන්වා දුන්නේ.

"ශිෂ්‍යත්ව විභාගය අහෝසි කරනවා නම් එය තමයි හොඳම දේ.අපි ඒ සඳහා ක්‍රමවේදයක් සකසමින් ඉන්නවා.අවසන් වාර්තාව ලැබුණු විට ගත යුතු ක්‍රියාමාර්ග ගන්නවා.ශිෂ්‍යත්ව විභාගය අහෝසි කරනවා නම් ගම්වල සාමාන්‍ය ජනතාවගේ දරුවන්ට ඉදිරියට පැමිණිය හැකි ආකාරයක් සකසා එය කළ යුතුයි" යනුවෙන් අධ්‍යාපන අමාත්‍යතුමන් එහිදී සඳහන් කළා.

su

2019 වසර සඳහා සුරක්ෂා රක්ෂණාවරණ ප්‍රතිලාභ ලබාදීම ක්‍රියාත්මකයි අධ්‍යාපන අමාත්‍යාංශය ඊට අදාළ එකඟතා ගිවිසුමට එළඹෙයි

සුරක්ෂා රක්ෂණය 2019 වසර සදහා ක්‍රියාත්මක කිරීමට අදාළ ගිවිසුමට අත්සන් කිරීම ඊයේ (03) අධ්‍යාපන අමාත්‍යංශයේ දී සිදු කෙරුණි. අධ්‍යාපන අමාත්‍යාංශය වෙනුවෙන් අධ්‍යාපන ලේකම් නිහාල් රණසිංහ මහතාත් අලියාන්ස් ඉන්ෂුවරන්ස් ලංකා ලිමිටඩ් වෙනුවෙන් එහි කළමනාකාර අධ්‍යක්ෂිකා සුරේඛා අලස් මහත්මියත් එම ගිවිසුමට අත්සන් තැබීය.

2018 වසරේ දෙසැම්බර් පළමුවන දින සිට 2019 නොවැම්බර් 30 දින දක්වා සුරක්ෂා රක්ෂණ ප්‍රතිලාභ ගෙවීමට අලියාන්ස් ඉන්ෂුවරන්ස් ලංකා ලිමිටඩ් ආයතනය ඒ අනුව, ගිවිසුම් ප්‍රකාර ව එකඟතාව පළ කරන ලදී. පසුගිය වසරේ දී සුරක්ෂා රක්ෂණය ලබා දීමේ දී ලද අත්දැකීම් සහ හඳුනාගත් කරුණු සැලකිල්ලට ගනිමින් අධ්‍යාපන අමාත්‍ය අකිල විරාජ් කාරියවසම් මහතාගේ මඟපෙන්වීම අනුව වැඩි ප්‍රතිලාභ සිසුන්ට හිමිවන පරිදි මෙවර අදාළ රක්ෂණ ආයතනය සමඟ ගිවිසුමට එළඹීම සිදුවුණි.

Read more ...

spm

‘තාක්ෂණය සහ දැනුම සමඟ ඉදිරියට යන්නට අපේ දරුවන්ට අවස්ථා ලබාදිය යුතුයි’ - ගරු අග්‍රාමාත්‍ය රනිල් වික්‍රමසිංහ

‘උසස් පෙළට පමණක් නොවෙයි, අනාගතයේ දී අනෙක් ශ්‍රේණිවලටත් ටැබ් පරිගණක ලබාදෙන්නට පියවර ගන්නවා ’

- ගරු අධ්‍යාපන අමාත්‍ය අකිල විරාජ් කාරියවසම්

වර්තමානයේ ලොව සියලු ක්ෂේත්‍ර තුළින් ඉදිරියෙන් සිටින්නේ දැනුම, තාක්ෂණය සපිරි රටවල් බවත්, අපේ දරුවන් ද අද පිවිස සිටින්නේ තාක්ෂණය සමඟ ස්මාර්ට් (smart) යුගයකට බවත්, තවත් වසර 10ක් පමණ ගතවනවිට මෙය ද වෙනස්විය හැකි බවත් ගරු අග්‍රාමාත්‍ය රනිල් වික්‍රමසිංහ මැතිතුමා ප්‍රකාශ කළේය.

මිලාගිරිය ශාන්ත පාවුලු බාලිකා විද්‍යාලයේ ඊයේ (03) පැවති වාර්ෂික ත්‍යාග ප්‍රදානෝත්සවයට එක්වෙමින් අග්‍රාමාත්‍ය රනිල් වික්‍රමසිංහ මහතා මේ අදහස් පළ කරන ලදී  . මෙම අවස්ථාවට අධ්‍යාපන අමාත්‍ය අකිල විරාජ් කාරියවසම් මහතා ඇතුළු සම්භාවනීය අමුත්තන් රැසක් එක්ව සිටියහ.

 

spm1 spm2

නැනෝ තාක්ෂණය, තොරතුරු තාක්ෂණය, වෛද්‍ය තාක්ෂණය වැනි විවිධ ක්ෂේත්‍ර ඔස්සේ තාක්ෂණය මේ වනවිට සංවර්ධනය වී ඇති බවත්, තාක්ෂණය සහ දැනුම සමඟ ඉදිරියට යන්නට අපේ දරුවන්ට පුළුල් ඉඩ ප්‍රස්ථා ලබාදිය යුතු බවත්, විශේෂයෙන් ම පාසල්වල උසස් පෙළට හඳුන්වා දී ඇති වෘත්තීය විෂය ධාරාව මේ සඳහා හොඳ පිටුබලයක් වනු ඇති බවත් මෙහි දී වැඩිදුරටත් අදහස් දක්වමින් අග්‍රාමාත්‍යවරයා පැවසුවේය.

මෙහි දී අදහස් දැක්වූ අධ්‍යාපන අමාත්‍ය අකිල විරාජ් කාරියවසම් මහතා සඳහන් කළේ, උසස් පෙළට මෙන් ම අනෙකුත් පන්තිවල දරුවන්ට ද අනාගතයේ දී ටැබ් පරිගණක ලබාදීමට පියවර ගන්නා බවයි.

තාක්ෂණය සමඟ ලෝකය දිනෙන් දින වෙනස් වන බවත්, අද වැඩිහිටියන් යෙදෙන රැකියාවන්ට වඩා අනාගතයේ දී දරුවන්ට නිරතවන්නට සිදුවන රැකියා බෙහෙවින් වෙනස් ස්වරූපයක් ගන්නා බවත්, ඔවුන්ට එවන් අනාගතයකට මුහුණ දිය හැකි දැනුමින් සන්නද්ධ කරවීම‍ට පියවර ගත යුතු බවත් මෙහි දී වැඩිදුරටත් අදහස් දක්වමින් අමාත්‍යවරයා සඳහන් කළේය.

spm3 spm4

පොත් බෑගයක් වෙනුවට ටැබ් පරිගණකයක් සමඟ පාසල් එන්නට අවස්ථාව ඉදිරියේ දී ලබාදෙන්නට පියවර ගන්නා බවත්, අමතර කියවීම් පොත්, eඉගෙනුම්, e - ටියුෂන් ආදී පහසුකම් ඒ හරහා දරුවන්ට ලබාගැනීමට ඒ අනුව ඉඩ ප්‍රස්ථා සලසාදිය හැකි බවත්, අමාත්‍යවරයා මෙහිදී සඳහන් කළේය.

මෙරට පාසල් අධ්‍යාපන පද්ධතිය නගාසිටුවිය හැකි නිපුනතා සපිරි විදුහල්පතිවරුන් පද්ධතිය තුළ සිටිය යුතු බවත්, ඒ වෙනුවෙන් පසුගිය සමයෙහි පැවති විදුහල්පතිවරුන් බඳවාගැනීමේ ක්‍රමවේද වෙනුවට වඩාත් සාධාරණ හා ප්‍රායෝගික වූ බඳවාගැනීමේ ක්‍රමවේද අනුගමනය කරන්නට පියවර ගත් බවත් අමාත්‍යවරයා තවදුරටත් සඳහන් කරන ලදී.

මෙහිදී පූර්ණ වශයෙන් ප්‍රතිසංස්කරණය කරන ලද සහ නවීකරණය කරන ලද පාසලේ ප්‍රධාන ශාලාව සහ පරිපාලන ගොඩනැගිල්ල සිසු අයිතියට පත් කිරීම ද අග්‍රාමාත්‍ය රනිල් වික්‍රමසිංහ මහතාගේ ප්‍රධානත්වයෙන් සහ අධ්‍යාපන අමාත්‍ය අකිල විරාජ් කාරියවසම් මහතාගේ සහභාගීත්වයෙන් සිදු කෙරුණි.

dengue

2019 - නව පාසල් වාරය අවසන් වීමට පෙර හා දෙවන පාසල් වාරය ආරම්භ වීමට ප්‍රථම දීප ව්‍යාප්ත පාසල් ඩෙංගු මදුරු මර්දන පවිත්‍රතා වැඩසටනක්

ඩෙංගු මදුරුවන් ගෙන් තොර පාසල් පරිශ්‍රයක් පවත්වා ගෙන යාම සඳහා නව පාසල් වාරය අවසන් කිරීමට ප්‍රථම සහ දෙවන පාසල් වාරය ආරම්භ කිරීමට පෙර දීප ව්‍යාප්තව පාසල් පරිශ්‍රයන් පිරිසිදු කිරීමට පියවර ගන්නැයි අධ්‍යාපන අමාත්‍ය අකිල විරාජ් කාරියවසම් මැතිතුමා සියලුම නිලධාරීන්ට උපදෙස් ලබා දී ඇත.

ඒ අනුව 2019 පළමු පාසල් වාරය අවසන් වීමට පෙර හා දෙවන පාසල් වාරය ආරම්භවීමට ප්‍රථම ඩෙංගු මර්දන ශ්‍රමදාන වැඩසටහනක් දිවයිනේ සියලු පාසල් හා අධ්‍යාපන ආයතන තුළ අඛණ්ඩව ක්‍රියාත්මක කිරීමට අධ්‍යාපන අමාත්‍යාංශය කටයුතු යොදා තිබේ.

Read more ...